- Элде адам къалмаса, ит тахтагъа минер.
- Ачыкъ джюрекге джол – ачыкъ.
- Айырылгъанланы айю ашар, бёлюннгенлени бёрю ашар.
- Тилсиз миллет джокъ болур.
- Мен да «сен», дейме, сен да «кесим», дейсе.
- Джаз бир кюнню джатсанг, къыш талай кюнню абынырса.
- Этим кетсе да, сюегим къалыр.
- Иги – алгъыш этер, аман – къаргъыш этер.
- Бойнуму джети джерден кессенг да, мен ол ишни этеллик тюлме.
- Чабакъ башындан чирийди.
- Джашлыкъ этмеген, башлыкъ этмез.
- Байны къызы баймакъ болса да, юйде къалмаз!
- Элиб деген, элге болушур.
- Телини эшигин, махтау джабар.
- Ач, тоймам, дейди, тойгъан, ач болмам, дейди.
- Ауузу бла къуш тута айланады.
- Къонагъынгы артмагъын алма да, алгъышын ал.
- Чомарт бергенин айтмаз.
- Джашынгы кесинг юретмесенг, джашау юретир.
- Айранны сюйген, ийнек тутар.
- Кюн кёрмеген, кюн кёрсе, кюндюз чыракъ джандырыр.
- Чакъырылмагъан джерге барма, чакъырылгъан джерден къалма.
- Ханнга да келеди хариблик.
- Кесине гебен этелмеген, биреуге черен эте эди.
- Тюз сёз баргъан сууну тыяр.
- Ашда – бёрю, ишде – ёлю.
- Насыб бютеу халкъны юлюшюдю.
- Къонакъ кёб келюучю юйню, къазаны отдан тюшмез.
- Булут кёкге джарашыу, уят бетге джарашыу.
- Керти сёзге тёре джокъ.
- Агъач халкъгъа алтынды, иссиликге салкъынды.
- Болджал ишни бёрю ашар.
- Джолунга кёре – джюрюшюнг, джагъанга кёре – юлюшюнг.
- Кёрмегеннге кебек – танг, битмегеннге сакъал – танг.
- Билмейме деген – бир сёз
- Тамчы таш тешер.
- Эки ойлашыб, бир сёлешген.
- Ата Джуртун танымагъан, атасын да танымаз.
- Гитче джилтин уллу элни джандырыр.
- Суу да къайтады чыкъгъан джерине.
- Ауузу аманнга «иги», деме.
- Адамны бетине къарама, адетине къара.
- Билимден уллу байлыкъ джокъду.
- Ёгюзню мюйюзлери ауурлукъ этмейдиле.
- Чакъырылмай келген къонакъ сыйланмай кетер.
- Аманнга да, игиге да оноусуз къатышма.
- Келлик заман – къартлыкъ келтирир, кетген заман – джашлыкъ ёлтюрюр.
- Керилген да, ургъан кибикди.
- Айранын берсенг, челегин да къызгъанма.
- Биреуге аманлыкъны тилеме да, кесинге ашхылыкъны тиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72