- Джырчы джырчыгъа – къарнаш.
- Сёлеш деб шай берген, тохта деб, сом берген.
- Садакъачыны джаны – къапчыгъында.
- Эр абынмай, эл танымаз.
- Халкъгъа джарагъан, джарлы къалмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишин билген, аны сыйын чыгъарады.
- Кёзю сокъурдан – къоркъма, кёлю сокъурдан – къоркъ.
- Джогъун бар этген, барын бал этген.
- Адам боллукъ, атламындан белгили болур.
- Эркиши – от, тиширыу – суу.
- Ойнай билмеген, уруб къачар.
- Харам къарнашдан, халал тенг ашхы.
- Джырына кёре эжиую.
- Къыйынлы джети элге оноу этер.
- Акъыллы айтыр эди, акъылсыз къоймайды.
- Ашыкъгъанны этеги бутуна чырмалыр.
- Кечеси – аяз, кюню – къыш, джарлы къаргъагъа бир аш тюш!
- Адамны адамлыгъы къыйынлыкъда айгъакъланады.
- Адеб джокъда, намыс джокъ.
- Кийимни бичсенг, кенг бич, тар этген къыйын тюлдю.
- Ёлюк кебинсиз къалмаз.
- Азыкълы ат арымаз, къатыны аман джарымаз.
- Къалгъан ишге къар джауар.
- Кесине гебен этелмеген, биреуге черен эте эди.
- Соргъан айыб тюлдю, билмеген айыбды.
- Рысхы джалгъанды: келген да этер, кетген да этер.
- Адамны артындан къара сабан сюрме.
- Дженгил джетерикме деб, узун джолну къоюб, къысхасын барма.
- Дуния мал дунияда къалады.
- Айраннга суу къош, телиге джол бош.
- Минг тенг да азды, бир джау да кёбдю.
- Ата джурт – алтын бешик.
- Чабакъсыз кёлге къармакъ салгъанлыкъгъа, чабакъ тутмазса.
- Къоркъакъны кёзю экили кёрюр.
- Борчунг бар эсе, хурджунунга ойлаб узал.
- Термилгенинги табмазса, кюлгенинге тюберсе.
- Къыйынлы джети элни къайгъысын этер.
- Эл ауузу – элек, анга ийнаннган – халек.
- Билгенни къолу къарны джандырыр.
- Тёзген – тёш ашар!
- Ушамагъан – джукъмаз.
- Атадан ёксюз – бир ёксюз, анадан ёксюз – эки ёксюз.
- Халкъны джырын джырласанг, халкъ санга эжиу этер.
- Татлы сёз – балдан татлы.
- Урама да – ёледи, сатама да – келеди.
- Кёл – къызбай, къол – батыр.
- Адам къыйынлыгъын кёлтюрюр, зауукълугъун кёлтюрмез.
- Тойгъанлыкъ къойгъа джарашады.
- Келинни – келгинчи, бёркню кийгинчи кёр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72