- Биреуню тёрюнден, кесинги эшик артынг игиди.
- Ёгюзню мюйюзюнден тутадыла, адамны сёзюнден тутадыла.
- Бёрю да ач къалмасын, эчки да ашалмасын.
- Дууулдаса – бал чибин, къонса – къара чибин.
- Эл ауузу – элек, анга ийнаннган – халек.
- Ата Джуртча джер болмаз, туугъан элча эл болмаз.
- Адам къыйынлыгъын кёлтюрюр, зауукълугъун кёлтюрмез.
- Юй ишлеген балта эшикде къалыр.
- Къартны бурнун сюрт да, оноугъа тут.
- Тенгинг джокъ эсе – изле, бар эсе – сакъла!
- Ана – юйню кюн джарыгъы.
- Айран ичген – къутулду, джугъусун джалагъан – тутулду.
- Айныгъанлы алты кюн, тогъайгъанлы тогъуз кюн.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ауузу бла къуш тута айланады.
- Этни бети бла шорпасы.
- Джашынгы кесинг юретмесенг, джашау юретир.
- Керти сёзге тёре джокъ.
- Аманнга алтын чыдамаз.
- Хар ишни да аллы къыйынды.
- Къууут – джелге, берне – бошха.
- Джарашыу сюйген – джалынчакъ.
- Эртде тургъан джылкъычыны эркек аты тай табар.
- Хоншуну тауугъу къаз кёрюнюр, келини къыз кёрюнюр.
- Тойну къарнашы – харс, джырны къарнашы – эжиу.
- Ашхы тенг джолгъа салыр, аман тенг джолдан тайдырыр.
- Ишлерге уял да, ашаргъа табма.
- Эл бла кёргенинг эрелей.
- Зарда марда джокъ.
- Атлыны ашхысы, ат тизгининден билинир
- Къошда джокъгъа – юлюш джокъ.
- Таукелге нюр джауар.
- Аз сёлешген, къайгъысыз турур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Алма терегинден кери кетмез.
- Айран тёгюлсе, джугъусу къалыр.
- Кёб ант этген, кёб ётюрюк айтыр.
- Узун джолну барсанг, бюгюн келирсе, къысха джолну барсанг, тамбла келирсе.
- Айтхан сёзюне табылгъан.
- Байлыкъ тауусулур, билим тауусулмаз.
- Кюн – узун, ёмюр – къысха.
- Нёгерсизни джолу узун.
- Кёбден умут этиб, аздан къуру къалма.
- Аджаллыгъа окъсуз шкок атылыр.
- Дуния мал дунияда къалады.
- Ишни ахырын ойламай, аллын башлама.
- Джигер – джаннга къыйынлыкъ.
- Джарлы эскисин джамаса, къууаныр.
- Бал ашаргъа сюе эсенг, чибин ургъаннга тёз.
- Ашда – бёрю, ишде – ёлю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72