- Ашарыкъда сайлагъаннга – чий гырджын.
- Суу кетер, таш къалыр.
- Тойгъа алгъа да барма, тойда артха да къалма.
- Чыбыкълыкъда бюгюлмеген, къазыкълыкъда бюгюлмей эди.
- Элни кючю – эмеген.
- Айыбны суу бла джууалмазса.
- Ашхы сёз таш тешер.
- Джогъун бар этген, барын бал этген.
- Тилде сюек болмаса да, сюек сындырыр.
- Адеби болмагъан къыз – тузсуз хант.
- Кийимни бир кюнню аясанг, минг кюннге джарар.
- Эски джаугъа ышанма.
- Чабар ат – джетген къыз.
- Адамны аманы адамны бети бла ойнар.
- Къыйынлы джети элни къайгъысын этер.
- Тели турса – той бузар.
- Сёлеш деб шай берген, тохта деб, сом берген.
- Кёб джат да, бек чаб.
- Баш – акъыл ючюн, акъылман – халкъ ючюн.
- Рысхы – насыбха къор.
- Аурууну келиую тынч, кетиую – къыйын.
- Соргъан айыб тюлдю, билмеген айыбды.
- Аз сёлешген, къайгъысыз турур.
- Къая джолда джортма, ачыкъ сёзден къоркъма.
- Мураты болгъанны джюрек тебюую башхады.
- Биреу ашаб къутулур, биреу джалаб тутулур.
- Къулакъдан эсе, кёзге ышан.
- Игиге айтсанг – билир, аманнга айтсанг – кюлюр.
- Ана къойну – балагъа джандет.
- Уллу сёлешме да, уллу къаб.
- Намыс сатылыб алынмайды.
- Ишге юренсин къоллары, халкъ бла болсун джоллары.
- Ётген ёмюр – акъгъан суу.
- Тилчи бир сагъатха айлыкъ хата этер.
- Чакъырылмагъан къонакъ къачан кетерин сормаз.
- Къазанны башы ачыкъ болса, итге уят керекди.
- Ата Джуртун танымагъан, атасын да танымаз.
- Урунуу – насыбны анасы.
- Мал кёб болса, джууукъ кёб болур.
- Тойгъан джерге джети къайт.
- Эркиши – от, тиширыу – суу.
- «Ма», - дегенни билмесенг, «бер», - дегенни билмезсе.
- Кёпюр салгъан кеси ётер, уру къазгъан кеси кетер.
- Къолунгдан къуймакъ ашатсанг да, атаны борчундан къутулмазса.
- Ашаса, ашамаса да, бёрюню ауузу – къан.
- Ауурну тюбю бла, дженгилни башы бла джюрюген.
- Ачлыкъ отха секиртир.
- Байлыкъ келсе, акъыл кетер.
- Бозанг болмагъан джерге, къалагъынгы сукъма.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72