- Адамны аты башхача, акъылы да башхады.
- Эртде тургъан джылкъычыны эркек аты тай табар.
- Джылыгъа джылан илешир.
- Джарлыны эшигин махтагъан джабар.
- Aдам боллукъ, сыфатындан белгили.
- Дууулдаса – бал чибин, къонса – къара чибин.
- Чабакъ башындан чирийди.
- Ургъан суудан башынгы сакъла.
- Байны къызы баймакъ болса да, юйде къалмаз!
- Къарыусузгъа кюлме, онгсузгъа тийме.
- Арпа, будай – ащды, алтын, кюмюш а – ташды.
- Сёз – кюмюш, джыр – алтын.
- Джигер – джаннга къыйынлыкъ.
- Джаш болсун, къыз болсун, акъылы, саны тюз болсун.
- Къарны аманнга къазан такъдырма, къолу аманнга от джакъдырма.
- Аурууну келиую тынч, кетиую – къыйын.
- Керти сёзге тёре джокъ.
- Къонакъны къачан кетерин сорма, къачан келлигин сор.
- Эр абынмай, эл танымаз.
- Эл ауузу – элек, анга ийнаннган – халек.
- Тёрени джагъы джокъ.
- Нарт сёз – тилни бети.
- Абынмазлыкъ аякъ джокъ, джангылмазлыкъ джаякъ джокъ.
- Рысхы – сют юсюнде кёмюк кибикди.
- Джарлы тюеге минсе да, ит къабар.
- Ёксюзню тилеги къабыл болур.
- Бек ашыкъгъан меннге джетсин, дегенди аракъы.
- Халкъны юйю – туугъан джери.
- Къонагъынгы артмагъын алма да, алгъышын ал.
- Башсыз урчукъ тюзюне айланмаз.
- Сагъыш – къартлыкъгъа сюйюмчю.
- Тёгюлген тюгел джыйылмайды.
- Биреуню тёрюнден, кесинги эшик артынг игиди.
- Джан саулукъ бермей, сан саулукъ бермезсе.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джол бла сёзню къыйыры джокъ.
- Кёпюр салгъан кеси ётер, уру къазгъан кеси кетер.
- Сормай – алма, чакъырылмай – барма.
- Ач да бол, токъ да бол – намысынга бек бол.
- Ишлегенде эринме, ишде чолакъ кёрюнме.
- Чабакъсыз кёлге къармакъ салгъанлыкъгъа, чабакъ тутмазса.
- «Ма», - дегенни билмесенг, «бер», - дегенни билмезсе.
- Айтхан сёзюне табылгъан.
- Джылар джаш, атасыны сакъалы бла ойнар.
- Бозаны арты дауур болур.
- Ач къарынны, токъ билмез
- Къулакъдан эсе, кёзге ышан.
- Эркиши – от, тиширыу – суу.
- Ёлюр джаннга, ёкюл джокъ.
- От кюйдюрген, сау болса да, тот кюйдюрген, сау болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72