- Ариу сёз аурууунгу алыр.
- Тойгъан антын унутур.
- Этни бети бла шорпасы.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къошда джокъгъа – юлюш джокъ.
- Айыбны суу бла джууалмазса.
- Акъыл аздырмаз, билим тоздурмаз.
- Чабакъ башындан чирийди.
- Кёб къычыргъандан – къоркъма, тынч олтургъандан – къоркъ.
- Къонакъ кёб келюучю юйню, къазаны отдан тюшмез.
- Джангыз терек къынгыр ёсер.
- Мадар болса, къадар болур.
- Байлыкъдан саулукъ ашхыды.
- Тюкюрюк баш джармаз, налат кёз чыгъармаз!
- Урама да – ёледи, сатама да – келеди.
- Уллу сёлешме да, уллу къаб.
- Къулакъдан эсе, кёзге ышан.
- Арбаз сайлама да, хоншу сайла.
- Азыкъ аз болса, эртде орун сал.
- Халкъгъа джарагъан, джарлы къалмаз.
- Ашхы адам – халкъ байлыгъы, ашхы джер – джашау байлыгъы.
- Орундукъ тюбюнде атылсам да, орта джиликме, де да айлан.
- Сангырау къулакъ эл бузар.
- Алтыннга тот къонмаз.
- Рысхы – сют юсюнде кёмюк кибикди.
- Сакъламагъан затынга джолукъсанг, не бек къууанаса, не бек ачыйса.
- Акъыл неден да кючлюдю.
- Бетинги сатма, малынгы сат.
- Тёзгеннге, джабылгъан эшик ачылыр.
- Адебсиз адам – джюгенсиз ат.
- Джашны джигитлиги сорулур, къызны джигерлиги сорулур.
- Мураты болгъанны джюрек тебюую башхады.
- Тиширыусуз юй – отсуз от джагъа.
- Ачылгъан эт джабылыр, кёрген кёз унутмаз.
- Экиндини кеч къылсанг, чабыб джетер ашхам.
- Тилчи тилден къаныкъмаз.
- Билим ат болуб да чабар, къуш болуб да учар.
- Къыз тиширыу кеси юйюнде да къонакъды.
- Ётюрюкню башын керти кесер.
- Джюрекге ариу – кёзге да ариу.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Телиге акъыл салгъандан эсе, ёлгеннге джан салырса.
- Къобан да къуру да къобханлай турмайды, адам да къуру да патчахлай турмайды.
- Джолунга кёре – джюрюшюнг, джагъанга кёре – юлюшюнг.
- Сёз – кюмюш, джыр – алтын.
- Ауурну тюбю бла, дженгилни башы бла джюрюген.
- Сютню башын джалагъан къутулур, тюбюн ичген тутулур.
- Кёзю сокъурдан – къоркъма, кёлю сокъурдан – къоркъ.
- Къатын къылыкъсыз, эр тынчлыкъсыз.
- «Ма», - дегенни билмесенг, «бер», - дегенни билмезсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72