- Къатыны харакетли болса, эри къымсыз болур.
- Сёз къанатсыз учар.
- Къарнынг бла ёч алма.
- Ауругъан – джашаудан умутчу.
- Атынг аманнга чыкъгъандан эсе, джанынг тамагъынгдан чыкъсын.
- Ач къарным, тынч къулагъым.
- Адамны аманы адамны бети бла ойнар.
- Къулакъдан эсе, кёзге ышан.
- Джеринден айырылгъан – джети джылар, джуртундан айырылгъан – ёлгюнчю джылар.
- Туз, гырджын аша, тюзлюк бла джаша.
- Эринчекни эр алмаз, эр алса да, кёл салмаз, кёл салса да, кёб бармаз!
- Атлыны кёрсе, джаяуну буту талыр.
- Хар адамгъа кеси миннген тау кибик.
- Ауругъаннга – кийик саулукъ, джетген къызгъа – чилле джаулукъ.
- Тешигини къатында, чычхан да батыр болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёлю джокъну – джолу джокъ.
- Кечеси – аяз, кюню – къыш, джарлы къаргъагъа бир аш тюш!
- Къарын къуру болса, джюрек уру болур.
- Тили узунну, намысы – къысха.
- Къолу уллу – асыу, аягъы уллу – джарсыу.
- Акъыл сабырлыкъ берир.
- Зар адам ашынгы ашар, кесинги сатар.
- Сыфатында болмагъаны, суратында болмаз.
- Айран ичген – къутулду, джугъусун джалагъан – тутулду.
- Баш – акъыл ючюн, акъылман – халкъ ючюн.
- Бичгенде ашыкъма, тикгенде ашыкъ.
- Сёз садакъдан кючлюдю.
- Урама да – ёледи, сатама да – келеди.
- Ариу сёзде ауруу джокъ.
- Акъыллы эркиши атын махтар, акъылсыз эркиши къатынын махтар.
- Джангыз терек къынгыр ёсер.
- Джыгъылгъанны сырты джерден тоймаз.
- Ат басханны джер билед.
- Джукъу тёшек сайламайды.
- Ауругъанны сау билмез, ач къарынны токъ билмез.
- Эр сокъур болсун, къатын тилсиз болсун.
- Уллу айтханны этмеген – уллаймаз.
- Хата – гитчеден.
- Ат да турмайды бир териде.
- Чомарт бергенин айтмаз.
- Биреуге аманлыкъны тилеме да, кесинге ашхылыкъны тиле.
- Тюзлюк тас болмайды.
- Юй ишлеген балта эшикде къалыр.
- Ёксюзню къалачы уллу кёрюнюр.
- Ёлюк кебинсиз къалмаз.
- Адамны адамлыгъы къыйынлыкъда айгъакъланады.
- Ойнай билмеген, уруб къачар.
- Терслик кетер, тюзлюк джетер.
- Босагъагъа джууукъ орун болса, ашыгъыб тёрге озма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72