- Джол бла сёзню къыйыры джокъ.
- Тойну къарнашы – харс, джырны къарнашы – эжиу.
- Джарлы тюеге минсе да, ит къабар.
- Таш бла ургъанны, аш бла ур.
- Къолу уллу – асыу, аягъы уллу – джарсыу.
- Бюгюн дуния кибик, тамбла ахыратды.
- Бал ашаргъа сюе эсенг, чибин ургъаннга тёз.
- Орундукъ тюбюнде атылсам да, орта джиликме, де да айлан.
- Мухар, кеси тойса да, кёзю тоймаз.
- Алим болгъандан эсе, адам болгъан къыйынды.
- Юй кюйдю да, кюйюз чыкъды, ортасындан тюйюш чыкъды.
- Байлыкъ адамны сокъур этер.
- Байдан умут эте, джарлыдан ёгюз багъасы къорады.
- Ашыкъгъан cуу, тенгизге джетмез.
- Аман эсирсе, юйюн ояр.
- Бети – къучакълар, джюреги – бычакълар.
- Рысхы – сют юсюнде кёмюк кибикди.
- Акъылсызны джууукъгъа алма, акъыллыны кенгнге салма.
- Ашда – бёрю, ишде – ёлю.
- Байлыкъ болгъан джерде, тынчлыкъ джокъду.
- Джан саулукъ бермей, сан саулукъ бермезсе.
- Накъырданы арты керти болур.
- Ёнгкюч къууана барыр, джылай келир.
- Келинни – келгинчи, бёркню кийгинчи кёр.
- Джигер – джаннга къыйынлыкъ.
- Джаш къарыу бла кючлю, къарт акъыл бла кючлю.
- Танг атмайма десе да, кюн къоярыкъ тюйюлдю.
- Къыйынлы джети элге оноу этер.
- Суугъа – чабакъ, къаягъа – ыргъакъ.
- Акъыллы башны – тили къысха.
- Тил джюрекге джол ишлейди.
- Къыз чыгъаргъан – къызыл къымжа.
- Насыблы элин сюер, насыбсыз кесин сюер.
- Намысы болмагъанны, сыйы болмаз.
- Аллахдан тилесенг, кёб тиле.
- Тюзлюк тас болмайды.
- Адам сёзге тынгыла, акъыл сёзню ангыла.
- Аурууну келиую тынч, кетиую – къыйын.
- Къонагъынгы артмагъын алма да, алгъышын ал.
- Къазанда болса, чолпугъа чыгъар.
- Ётюрюкню къуйругъу – бир тутум.
- Сютден ауузу кюйген, суугъа юфгюре эди.
- Миллетни бойну – базыкъ, аны бла кюрешген – джазыкъ.
- Чомарт джарлы болмаз.
- Орну джокъну – сыйы джокъ.
- Тёзген – тёш ашар!
- Келлик заман – къартлыкъ келтирир, кетген заман – джашлыкъ ёлтюрюр.
- Къарнынг ауруса, ауузунгу тый
- Бети бедерден, намыс сакълама.
- Таукел адам тау тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72