- Биреуге аманлыкъ этиб, кесинге игилик табмазса.
- Айныгъанлы алты кюн, тогъайгъанлы тогъуз кюн.
- Шекер бла туз – бир болмаз, ушамагъан – юй болмаз.
- Ач да бол, токъ да бол – намысынга бек бол.
- Ишленмеген джаш – джюгенсиз ат, ишленмеген къыз – тузсуз хант.
- Эллинг бла джау болсанг да, юйюнг бла джау болма.
- Айыбны суу бла джууалмазса.
- Билимли ёлмез, билимсиз кёрмез.
- Аманны тукъумуна къарама, игини тукъумун сорма.
- Терслик кетер, тюзлюк джетер.
- Къайгъыны сюйген, къайгъы табар.
- Хансыз джомакъ болмаз.
- Адам туугъан джеринде, ит тойгъан джеринде.
- Къартны бурнун сюрт да, оноугъа тут.
- Адам боллукъ, атламындан белгили болур.
- Аман адамны тепсинге олтуртсанг, къызынгы тилер.
- Джукъу тёшек сайламайды.
- Джигер – джаннга къыйынлыкъ.
- Мухар, кеси тойса да, кёзю тоймаз.
- Ёмюрлюк шохлукъну джел элтмез.
- Акъыллы айтыр эди, акъылсыз къоймайды.
- Кенгеш болса, уруш болмаз.
- Хоншуну тауугъу къаз кёрюнюр, келини къыз кёрюнюр.
- Ауругъаннга – кийик саулукъ, джетген къызгъа – чилле джаулукъ.
- Ёлген аслан – сау чычхан.
- Адебсиз адам – джюгенсиз ат.
- Тил – кесген бычакъ, сёз – атылгъан окъ.
- Хар зат кесини орнуна иги.
- Тау башында, тау болмаз, джангыз терек, бау болмаз.
- Телиге от эт десенг, юйюнге от салыр.
- Къызгъанчдан ычхыныр, мухардан ычхынмаз.
- Ашыкъгъанны этеги бутуна чырмалыр.
- Бал ашаргъа сюе эсенг, чибин ургъаннга тёз.
- Артына баргъанны, къатына барма.
- Тюзлюк шохлукъну бегитир.
- Окъуу – билимни ачхычы, окъуу – дунияны бачхычы.
- Элде адам къалмаса, ит тахтагъа минер.
- Ётген ёмюр – акъгъан суу.
- Къарын къуру болса, джюрек уру болур.
- Ариу – кёзге, акъыл – джюрекге.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёзю сокъурдан – къоркъма, кёлю сокъурдан – къоркъ.
- Аурууну келиую тынч, кетиую – къыйын.
- Адамны аты башхача, акъылы да башхады.
- Оюмсуз атлагъан, аджалсыз ёлюр.
- Иги – алгъыш этер, аман – къаргъыш этер.
- Тура эдим джата, къайдан чыкъды хата?
- Ач къалгъандан, кеч къалгъан къолай.
- Кёб джашагъан – кёб билир.
- Арба аугъандан сора, джол кёргюзтюучю кёб болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72