- Минг тенг да азды, бир джау да кёбдю.
- Ашаса, ашамаса да, бёрюню ауузу – къан.
- Къолу уллу – асыу, аягъы уллу – джарсыу.
- Джыгъылгъанны сырты джерден тоймаз.
- Элиб деген, элге болушур.
- Башсыз урчукъ тюзюне айланмаз.
- Кёбню кёрген – кёб билир.
- Байны оноуу, джарлыгъа джарамаз.
- Сормай – алма, чакъырылмай – барма.
- Ауругъанны сау билмез, ач къарынны токъ билмез.
- Тойгъанлыкъ къойгъа джарашады.
- Кирсизни – саны таза, халалны – къаны таза.
- Рысхы – сют юсюнде кёмюк кибикди.
- Бал ашаргъа сюе эсенг, чибин ургъаннга тёз.
- Ойнаб айтсанг да, эслеб айт.
- Тешик этген тынчды, аны джамагъан къыйынды.
- Ач, тоймам, дейди, тойгъан, ач болмам, дейди.
- Огъурлуну сёзю – суу, огъурсузну сёзю – уу.
- Айран ичген – къутулду, джугъусун джалагъан – тутулду.
- Тойгъа алгъа да барма, тойда артха да къалма.
- Нёгерсизни джолу узун.
- Адамны сабийин сюйген джюреги, бычакъча, джитиди.
- Ата Джуртун танымагъан, атасын да танымаз.
- Магъанасыз сёз – тауушсуз сыбызгъы.
- От этилмеген джерден тютюн чыкъмайды.
- Ойнай билмеген, оюн бузар.
- Джаш болсун, къыз болсун, акъылы, саны тюз болсун.
- Ашха уста, юйюнде болсун
- Джыланны къуйругъундан басарынг келсе, аны башы болгъанын унутма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Окъ къызбайны джокълайды.
- Келинин тута билмеген, къул этер, къызын тута билмеген, тул этер.
- Ханнга да келеди хариблик.
- Акъыл къартда, джашда тюйюлдю – башдады.
- Джылыгъа джылан илешир.
- Джети тилни билген джети кишиди.
- Хантына кёре тузу, юйюне кёре къызы.
- Тура эдим джата, къайдан чыкъды хата?
- Биреуню къыйынлыгъы бла кесинге джол ишлеме.
- Ашхы – джыяр, аман – джояр.
- Абынмазлыкъ аякъ джокъ, джангылмазлыкъ джаякъ джокъ.
- Телини эшигин, махтау джабар.
- Билмезни кёзю кёрмез, этмезни къулагъы эшитмез.
- Ана кёлю – балада, бала кёлю – талада.
- Таш бла ургъанны, аш бла ур.
- Къызны минг тилер, бир алыр.
- Ана къойну – балагъа джандет.
- Тенгни тенглиги джашай барсанг билинир.
- Къайгъы тюбю – тенгиз.
- Кёл – къызбай, къол – батыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72