- Кёб ант этген, кёб ётюрюк айтыр.
- Чалманны аллы къалай башланса, арты да алай барады.
- Эли джокъну – кёлю джокъ.
- Миллетни бойну – базыкъ, аны бла кюрешген – джазыкъ.
- Билим къая тешер.
- Аманнга игилик этсенг, юйюнге сау бармазса.
- Къатын байлыкъны сюер, эр саулукъну сюер.
- Туз, гырджын аша, тюзлюк бла джаша.
- Чыкълы кюнде чыкъмагъан, чыкъса къуру кирмеген.
- Кесине гебен этелмеген, биреуге черен эте эди.
- Алим болгъандан эсе, адам болгъан къыйынды.
- Бёрю да ач къалмасын, эчки да ашалмасын.
- Терслик кетер, тюзлюк джетер.
- Окъуусуз билим – джокъ, билимсиз кюнюнг – джокъ.
- Джыйырма къойну юч джыйырма эбзе кюте эди.
- Мадар болса, къадар болур.
- Джырчы ёлсе, джыры къалыр.
- Байны оноуу, джарлыгъа джарамаз.
- Сангырау къулакъ эл бузар.
- Узун джолну барсанг, бюгюн келирсе, къысха джолну барсанг, тамбла келирсе.
- Экиндини кеч къылсанг, чабыб джетер ашхам.
- Тюзлюк тас болмайды.
- Агъач халкъгъа алтынды, иссиликге салкъынды.
- Джюрекден джюрекге джол барды.
- Мени джылытмагъан кюн, меннге тиймесин!
- Ашына кёре табагъы, балына кёре къалагъы.
- Ишни ахырын ойламай, аллын башлама.
- Джюз элде джюз ёгюзюм болгъандан эсе, джюз джууугъум болсун.
- Къызбайны юйюне дери сюрсенг, батыр болур.
- Ауурну тюбю бла, дженгилни башы бла джюрюген.
- Этни бети бла шорпасы.
- Эри аманны, къатыны – аман.
- Бозанг болмагъан джерге, къалагъынгы сукъма.
- Чыбыкълыкъда бюгюлмеген, къазыкълыкъда бюгюлмей эди.
- Нёгерсизни джолу узун.
- Джылыгъа джылан илешир.
- Ойнай-ойнай кёз чыгъар.
- Ана – юйню кюн джарыгъы.
- Билимсиз иш бармаз.
- Баш болса, бёрк табылыр.
- Таукел тауну аудурур.
- Джан саулукъ бермей, сан саулукъ бермезсе.
- Огъурлуну сёзю – суу, огъурсузну сёзю – уу.
- Ишленмеклик адамлыкъды.
- Сакъ юйюне сау барыр.
- Акъыл неден да кючлюдю.
- Къонагъы джокъну – шоху джокъ.
- Ариуну – ауруу кёб.
- Ишге юренсин къоллары, халкъ бла болсун джоллары.
- Сёлеш деб шай берген, тохта деб, сом берген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72