- Ашарыкъда сайлагъаннга – чий гырджын.
- Эки къатын алгъанны къулагъы тынгнгаймаз.
- Джюрек кёзден алгъа кёрюр.
- Ёмюрлюк шохлукъну джел элтмез.
- Бек ашыкъгъан меннге джетсин, дегенди аракъы.
- Билимден уллу байлыкъ джокъду.
- Терек ауса, отунчу – кёб.
- Таш бла ургъанны, аш бла ур.
- Чакъырылмагъан къонакъ тёрге атламаз.
- Ашха уста, юйюнде болсун
- Ётюрюкчюню шагъаты – къатында.
- Къыйынлы джети элни къайгъысын этер.
- Сабийликде юретмесенг, уллу болса – тюзелмез.
- Суу кетер, таш къалыр.
- Бети къызарыучу адамны, джюреги харам болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Уллу сёлешме да, уллу къаб.
- Къумурсхала джыйылсала, пилни да джыгъадыла.
- Зарда марда джокъ.
- Къыз тиширыу кеси юйюнде да къонакъды.
- Сибиртки да сыйлы болду, кюрек да кюнлю болду.
- Юйюнг бла джау болгъандан эсе, элинг бла джау бол.
- Кёб къычыргъандан – къоркъма, тынч олтургъандан – къоркъ.
- Джырчы ёлсе, джыры къалыр.
- Насыб бютеу халкъны юлюшюдю.
- Адам туугъан джеринде, ит тойгъан джеринде.
- Танг атмайма десе да, кюн къоярыкъ тюйюлдю.
- Бек анасы джыламаз.
- Сабыр джетер муратха, сабырсыз къалыр уятха.
- Джарлы джети элни сёзюн этер.
- Джаным-тиним – окъуу, билим.
- Сууда джау джокъ, кёб сёзде магъана джокъ.
- Къызны минг тилер, бир алыр.
- Келинни – келгинчи, бёркню кийгинчи кёр.
- Джангызны оту джарыкъ джанмаз!
- Окъуусуз билим – джокъ, билимсиз кюнюнг – джокъ.
- Ишлегенден, къарагъан уста.
- Къарт бла баш аша, джаш бла аякъ аша.
- Алтыннга тот къонмаз.
- Сакъламагъан затынга джолукъсанг, не бек къууанаса, не бек ачыйса.
- Ачны эсинде – аш.
- Тюзлюк шохлукъну бегитир.
- Эр сокъур болсун, къатын тилсиз болсун.
- Кёб джашагъан – кёб билир.
- Бозанг болмагъан джерге, къалагъынгы сукъма.
- Сангырау къулакъ эл бузар.
- Билимли ёлмез, билимсиз кёрмез.
- Ариу джол аджал келтирмез.
- Эринчекни аурууу – кёб.
- Дженгил джетерикме деб, узун джолну къоюб, къысхасын барма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72