- Билимли ёлмез, билимсиз кёрмез.
- Сагъышы джокъ – джукъучу, акъылы джокъ – къаугъачы.
- Адамны аты башхача, акъылы да башхады.
- Ёнгкюч къууана барыр, джылай келир.
- Билимден уллу байлыкъ джокъду.
- Кёрмегеннге кебек – танг, битмегеннге сакъал – танг.
- Кёлсюзден сёзсюз тууар.
- Тёзгеннге, джабылгъан эшик ачылыр.
- Айыбны суу бла джууалмазса.
- Иги сёз – джаннга азыкъ, аман сёз башха – къазыкъ.
- Ач да бол, токъ да бол – намысынга бек бол.
- Джашны джигитлиги сорулур, къызны джигерлиги сорулур.
- Эрине къаргъыш этген къатын, эрнин къабар.
- Къулакъдан эсе, кёзге ышан.
- Орундукъ тюбюнде атылсам да, орта джиликме, де да айлан.
- Суу кетер, таш къалыр.
- Айраннга суу къош, телиге джол бош.
- Тин – байлыгъынг, терен саулугъунг.
- Таугъа чыгъаллыкъ эсенг, тюзде къалма.
- Чабар ат – джетген къыз.
- Огъурлуну сёзю – суу, огъурсузну сёзю – уу.
- Телини эшигин, махтау джабар.
- Джангыз терек къынгыр ёсер.
- Адамны бетине къарама, адетине къара.
- Тай асырагъан, атха минер.
- Экеулен сёлеше тура эселе, орталарына барыб кирме.
- Кёбден умут этиб, аздан къуру къалма.
- Бал ашаргъа сюе эсенг, чибин ургъаннга тёз.
- Къанны къан бла джуума, аманны аман бла къуума.
- Къонакъ болсанг, ийнакъ бол.
- Адебни адебсизден юрен.
- Тюзлюк шохлукъну бегитир.
- Сёз къанатсыз учар.
- Тилчиден кери бол.
- Айтылгъан сёз ызына къайтмаз.
- Акъыл къартда, джашда тюйюлдю – башдады.
- Мал кёб болса, джууукъ кёб болур.
- Къуру гыбыт бек дыгъырдар.
- Таукелге нюр джауар.
- Сибиртки да сыйлы болду, кюрек да кюнлю болду.
- Бастасын ашагъан, хантусун да ичер.
- Хар зат кесини орнуна иги.
- Бет бетге къараса, бет да джерге къарар.
- Эрни эр этерик да, къара джер этерик да, тиширыуду.
- Башланнган иш битер, къымылдагъан тиш тюшер.
- Ишленмеклик адамлыкъды.
- Джарлы тюеге минсе да, ит къабар.
- Юй кюйдю да, кюйюз чыкъды, ортасындан тюйюш чыкъды.
- Чабакъ башындан чирийди.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72