- Хата – гитчеден.
- Аманнга алтын чыдамаз.
- Окъугъан озар, окъумагъан тозар.
- Терек ауса, отунчу – кёб.
- Адеб джокъда, намыс джокъ.
- Аджашхан тёгерек айланыр.
- Алтыннга тот къонмаз.
- Алгъанда – джууукъ, бергенде – джау.
- Биреу къой излей, биреу той излей.
- Ашха уста, юйюнде болсун
- Аджашханны ызындагъы кёреди, джангылгъанны джанындагъы биледи.
- Ётюрюкден тюбю джокъ, кёлтюрюрге джиби джокъ.
- Айырылмаз джууугъунга, унутмаз сёзню айтма.
- Ата – билек, ана – джюрек!
- Ишни ахырын ойламай, аллын башлама.
- Мадар болса, къадар болур.
- Ханнга да келеди хариблик.
- Джол бла сёзню къыйыры джокъ.
- Сагъышы джокъ – джукъучу, акъылы джокъ – къаугъачы.
- Сангырау къулакъ эл бузар.
- Ач къарным, тынч къулагъым.
- Джылкъыдан – ат чыгъар, тукъумдан – джаш чыгъар.
- Ашхы – джыяр, аман – джояр.
- Джарлы эскисин джамаса, къууаныр.
- Аз айтсам, кёб ангылагъыз.
- Джашлыкъ этмеген, башлыкъ этмез.
- Сыфатында болмагъаны, суратында болмаз.
- Кийимни бир кюнню аясанг, минг кюннге джарар.
- Тенгни тенглиги джашай барсанг билинир.
- Иесиз малны бёрю ашар.
- Джаным-тиним – окъуу, билим.
- Аш берме да, къаш бер.
- Тыш элде солтан болгъандан эсе, кесинги элде олтан болгъан игиди!
- Миллетни бойну – базыкъ, аны бла кюрешген – джазыкъ.
- Ишин билген, аны сыйын чыгъарады.
- Аш хазыр болса, иш харам болур.
- Намысы джокъну – дуниясы джокъ.
- Биреуню тёрюнден, кесинги эшик артынг игиди.
- Намыс сатылыб алынмайды.
- Алма терегинден кери кетмез.
- Ашхылыкъ джерде джатмайды, аманлыкъ суугъа батмайды.
- Джети тилни билген джети кишиди.
- Ач – эснер, ат – кишнер.
- Уясында не кёрсе, учханында аны этер.
- Зар адамны насыбы болмаз.
- Байны оноуу, джарлыгъа джарамаз.
- Харам къарнашдан, халал тенг ашхы.
- Адамны артындан къара сабан сюрме.
- Нёгер болсанг, тенг бол, тенг болмасанг, кенг бол.
- Адамны адамлыгъы къыйынлыкъда айгъакъланады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72