- Ариу сёзде ауруу джокъ.
- Сибиртки да сыйлы болду, кюрек да кюнлю болду.
- Джерни букъусу кёкге къонмаз.
- Кёб къычыргъандан – къоркъма, тынч олтургъандан – къоркъ.
- Кёрмегеннге кебек – танг, битмегеннге сакъал – танг.
- Кёб ант этген, кёб ётюрюк айтыр.
- Берекет берсин деген джерде, берекет болур.
- Тик ёргени, тик энгишгеси да болады.
- Мухарны эси – ашарыкъда.
- Аман адам элни бир-бирине джау этер.
- Кесине гебен этелмеген, биреуге черен эте эди.
- Байма, деб да, къууанма, джарлыма, деб да, джылама.
- Баш болса, бёрк табылыр.
- Насыблы элин сюер, насыбсыз кесин сюер.
- Харам къарнашдан, халал тенг ашхы.
- Баргъанынга кёре болур келгенинг.
- Зар адам ашынгы ашар, кесинги сатар.
- Билимли ёлмез, билимсиз кёрмез.
- Мал кёб болса, джууукъ кёб болур.
- Ариу сёз – къылычдан джити.
- Биреу къой излей, биреу той излей.
- Сабий кёргенин унутмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Этек чакъмакълары баш джаргъан, сёлешген сёзлери таш джаргъан.
- Суу кетер, таш къалыр.
- Бал – татлы, балдан да бала – татлы.
- От кюйдюрген, сау болса да, тот кюйдюрген, сау болмаз.
- Чоюнну башы ачыкъ болса, итге уят керекди.
- Акъыллы башны – тили къысха.
- Кеси юйюмде мен да ханма.
- Магъанасыз сёз – тауушсуз сыбызгъы.
- Кёпюр салгъан кеси ётер, уру къазгъан кеси кетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёбге таш атма.
- Ашына кёре табагъы, балына кёре къалагъы.
- Адамны бетине къарама, адетине къара.
- Байны къызы баймакъ болса да, юйде къалмаз!
- Рысхы – насыбха къор.
- Чакъырылмагъан къонакъ къачан кетерин сормаз.
- Айтылгъан сёз ызына къайтмаз.
- Накъырда – кертини келечиси.
- Бет бетге къараса, бет да джерге къарар.
- Къайгъыны сюйген, къайгъы табар.
- Сютню башын джалагъан къутулур, тюбюн ичген тутулур.
- Къонакъны къачан кетерин сорма, къачан келлигин сор.
- Джашлыкъ этмеген, башлыкъ этмез.
- Сууда джау джокъ, кёб сёзде магъана джокъ.
- Тойгъа барсанг, тоюб бар, эски тонунгу къоюб бар.
- Арбаз къынгырды да, ийнек сауалмайма.
- Ишленмеген джаш – джюгенсиз ат, ишленмеген къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72