- Чыкълы кюнде чыкъмагъан, чыкъса къуру кирмеген.
- Таула не мийик болсала да, аууш табылыр.
- Нёгер болсанг, тенг бол, тенг болмасанг, кенг бол.
- Телини эшигин, махтау джабар.
- Чабакъ башындан чирийди.
- Кёл – къызбай, къол – батыр.
- Мухар, кеси тойса да, кёзю тоймаз.
- От этилмеген джерден тютюн чыкъмайды.
- Ойнай-ойнай кёз чыгъар.
- Къолу уллу – асыу, аягъы уллу – джарсыу.
- Кесине гебен этелмеген, биреуге черен эте эди.
- Башы джабылгъан челекге, кир тюшмез.
- Кёб ант этген, кёб ётюрюк айтыр.
- Ачлыкъ отха секиртир.
- Ургъан суудан башынгы сакъла.
- Тёрени джагъы джокъ.
- Ауузу аманнга «иги», деме.
- Чабакъгъа акъыл, табагъа тюшсе келеди.
- Чомартны къолун джокълукъ байлар.
- Акъыллы эркиши атын махтар, акъылсыз эркиши къатынын махтар.
- Кийим тукъум сордурур.
- Узун джолну барсанг, бюгюн келирсе, къысха джолну барсанг, тамбла келирсе.
- Берекет берсин деген джерде, берекет болур.
- Акъыллы башны – тили къысха.
- Къартны бурнун сюрт да, оноугъа тут.
- Кёбден умут этиб, аздан къуру къалма.
- Тойгъандан сора, ашны сёкме.
- Джукъу тёшек сайламайды.
- Акъылсызны джууукъгъа алма, акъыллыны кенгнге салма.
- Билген билмегенни юретген адетди.
- Босагъагъа джууукъ орун болса, ашыгъыб тёрге озма.
- Бал – татлы, балдан да бала – татлы.
- Къыз чыгъаргъан – къызыл къымжа.
- Сакъламагъан затынга джолукъсанг, не бек къууанаса, не бек ачыйса.
- Чомартха хар кюн да байрамды.
- Ишленмеклик адамлыкъды.
- Ашына кёре табагъы, балына кёре къалагъы.
- Адеб этмеген, адеб кёрмез.
- Джетген къыз джерли эшекни танымаз.
- Ётюрюкню башын керти кесер.
- Арбаз къынгырды да, ийнек сауалмайма.
- Халкъгъа джарагъан, джарлы къалмаз.
- Тойчу джашха къарама, къойчу джашха къара.
- Эркишини аманы тиширыуну джылатыр.
- Къонакъ кёб келюучю юйню, къазаны отдан тюшмез.
- Тиширыусуз юй – отсуз от джагъа.
- Баш – акъыл ючюн, акъылман – халкъ ючюн.
- Ишлегенден, къарагъан уста.
- Тойгъан антын унутур.
- Тенги кёбню джау алмаз, акъылы кёбню дау алмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72