- Къазанда болса, чолпугъа чыгъар.
- Биреуге аманлыкъ этиб, кесинге игилик табмазса.
- Джуртун къоругъан озар.
- Ачлыкъда тары гырджын халыуадан татлы.
- Элге къуллукъ этмеген, элге ие болмаз.
- Къарнынг тойгъунчу аша да, белинг талгъынчы ишле.
- Эл ауузу – элек, анга ийнаннган – халек.
- Арпа, будай – ащды, алтын, кюмюш а – ташды.
- Къууут – джелге, берне – бошха.
- Кесинг сынамагъан затны, адамгъа буюрма.
- Хар зат кесини орнуна иги.
- Сыфатында болмагъаны, суратында болмаз.
- Къолу уллу – асыу, аягъы уллу – джарсыу.
- Босагъа таш юйге кирмей эди, тыбыр таш эшикге чыкъмай эди.
- Адам сёзюнден белгили.
- Ишлегенде эринме, ишде чолакъ кёрюнме.
- Джангыз торгъай джырламаз.
- Къонакъ кёб келюучю юйню, къазаны отдан тюшмез.
- Байны оноуу, джарлыгъа джарамаз.
- Ач къалгъандан, кеч къалгъан къолай.
- Аманнга игилик этсенг, юйюнге сау бармазса.
- Ёлюр джаннга, ёкюл джокъ.
- Кеси юйюмде мен да ханма.
- Эринчекни аурууу – кёб.
- Къарны аманнга къазан такъдырма, къолу аманнга от джакъдырма.
- Джашынгы кесинг юретмесенг, джашау юретир.
- Эркиши – от, тиширыу – суу.
- Кёлю джокъну – джолу джокъ.
- Джан саулукъ бермей, сан саулукъ бермезсе.
- Ауузу бла къуш тута айланады.
- Кёл ашады да, кеси ашады.
- Къарт бла баш аша, джаш бла аякъ аша.
- Тойгъан джерге джети къайт.
- Кёзню ачылгъаны – иги, ауузну джабылгъаны – иги.
- Таукел адам тау тешер.
- Ана – юйню кюн джарыгъы.
- Бичгенде ашыкъма, тикгенде ашыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мураты болгъанны джюрек тебюую башхады.
- Чыбыкълыкъда бюгюлмеген, къазыкълыкъда бюгюлмей эди.
- Джюрек кёзден алгъа кёрюр.
- Шапа кёб болса, аш татымсыз болур.
- Ач отунчуну ачыуу – бурнунда.
- Илму – джашауну джолу.
- Ойнай билмеген, уруб къачар.
- Минг тенг да азды, бир джау да кёбдю.
- Эрине къаргъыш этген къатын, эрнин къабар.
- Терслик кетер, тюзлюк джетер.
- Акъыл аздырмаз, билим тоздурмаз.
- Къозулугъунда тоймагъан, къойлугъунда тоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72