- Къонакъны къачан кетерин сорма, къачан келлигин сор.
- Ачыкъ джюрекге джол – ачыкъ.
- Ёгюзню мюйюзюнден тутадыла, адамны сёзюнден тутадыла.
- Таугъа чыгъаллыкъ эсенг, тюзде къалма.
- Ургъан суудан башынгы сакъла.
- Ханнга да келеди хариблик.
- Мал кёб болса, джууукъ кёб болур.
- Башы ишлегенни, ауузу да ишлер.
- Аман хансны – урлугъу кёб.
- Байлыкъ адамны сокъур этер.
- Адамны сабийин сюйген джюреги, бычакъча, джитиди.
- Сагъыш – къартлыкъгъа сюйюмчю.
- Акъылсызны джууукъгъа алма, акъыллыны кенгнге салма.
- Адам боллукъ, атламындан белгили болур.
- Суугъа – таянма, джаугъа – ийнанма.
- Ашхы – джыяр, аман – джояр.
- Иги – алгъыш этер, аман – къаргъыш этер.
- Азыкълы ат арымаз, къатыны аман джарымаз.
- Малны кют, джерни тюрт.
- Биреуню тёрюнден, кесинги эшик артынг игиди.
- Джолунга кёре – джюрюшюнг, джагъанга кёре – юлюшюнг.
- Тамчы таш тешер.
- Ышармагъан – кюлмез, кюлмеген – къууанчны билмез.
- Тынгылагъан тынгы бузар.
- Къызын тута билмеген, тул этер, джашын тута билмеген, къул этер.
- Шайтан алдады, тюзлюк къаргъады.
- Зар адам ашынгы ашар, кесинги сатар.
- Ётюрюкден тюбю джокъ, кёлтюрюрге джиби джокъ.
- Терслик кетер, тюзлюк джетер.
- Ёлюк кебинсиз къалмаз.
- Кёб къычыргъандан – къоркъма, тынч олтургъандан – къоркъ.
- Аджашхан тёгерек айланыр.
- Тил – кесген бычакъ, сёз – атылгъан окъ.
- Атлыны ашхысы, ат тизгининден билинир
- Сыфатында болмагъаны, суратында болмаз.
- Ачны эсинде – аш.
- Чомартны къолун джокълукъ байлар.
- Онгсузну – джакъла, тенгликни – сакъла.
- Башланнган иш битер, къымылдагъан тиш тюшер.
- Дууулдаса – бал чибин, къонса – къара чибин.
- Ариу сёз – джаннга азыкъ, аман сёз – башха къазыкъ.
- Тюзню ётмеги тюзде къалса да, тас болмаз.
- Кийим тукъум сордурур.
- Адам туугъан джеринде, ит тойгъан джеринде.
- Биреуге аманлыкъны тилеме да, кесинге ашхылыкъны тиле.
- Кийимни бичсенг, кенг бич, тар этген къыйын тюлдю.
- Джырчы джырчыгъа – къарнаш.
- Аман адамны тепсинге олтуртсанг, къызынгы тилер.
- Тил бла келеди джыр да.
- Ишленмеген джаш – джюгенсиз ат, ишленмеген къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72