- Эки ойлашыб, бир сёлешген.
- Аджашхан тёгерек айланыр.
- Чалманны аллы къалай башланса, арты да алай барады.
- Элде адам къалмаса, ит тахтагъа минер.
- Кёрмегеннге кебек – танг, битмегеннге сакъал – танг.
- Тенгни тенглиги джашай барсанг билинир.
- Джылар джаш, атасыны сакъалы бла ойнар.
- Ашхы адам – халкъ байлыгъы, ашхы джер – джашау байлыгъы.
- Тили узунну, намысы – къысха.
- Халкъны юйю – туугъан джери.
- Кёлсюзден сёзсюз тууар.
- Уллу суу бла уллу ауруудан башынгы сакъла.
- Ашатыргъа иш – ашхы, ишлетирге аш – ашхы.
- Акъыл къартда, джашда тюйюлдю – башдады.
- Татлы тилде – сёз ариу, чемер къолда – иш ариу.
- Азыкълы ат арымаз, къатыны аман джарымаз.
- Хоншуну тауугъу къаз кёрюнюр, келини къыз кёрюнюр.
- Тура эдим джата, къайдан чыкъды хата?
- Айтылгъан сёз ызына къайтмаз.
- Джюрек кёзден алгъа кёрюр.
- Кюн – узун, ёмюр – къысха.
- Аууз сакълагъан – джан сакълар.
- От кюйдюрген, сау болса да, тот кюйдюрген, сау болмаз.
- Тойгъан джерге джети къайт.
- Эр абынмай, эл танымаз.
- Ариу сёз – къылычдан джити.
- Экиндини кеч къылсанг, чабыб джетер ашхам.
- Намыс болмагъан джерде, насыб болмаз.
- Адамны сыфатына къарама, сёзюне къара.
- Ишге юренсин къоллары, халкъ бла болсун джоллары.
- Урунуу – насыбны анасы.
- Ишлерге уял да, ашаргъа табма.
- Адам къаллай бир ишленмесе, аллай бир кесин уллу кёреди.
- Кюл тюбюндеги от кёрюнмейди.
- Джети тилни билген джети кишиди.
- Шекер бла туз – бир болмаз, ушамагъан – юй болмаз.
- Тил джюрекге джол ишлейди.
- Ашхылыкъ джерде джатмайды, аманлыкъ суугъа батмайды.
- Аманны тукъумуна къарама, игини тукъумун сорма.
- Алтыда кюлмеген, алтмышда кюлмез.
- Джолда аягъынга сакъ бол, ушакъда тилинге сакъ бол.
- Джангыз терек къынгыр ёсер.
- Ана – юйню кюн джарыгъы.
- Сютден ауузу кюйген, суугъа юфгюре эди.
- Джаханимни кёрмей, джандетге кёл салмазса.
- Илму – джашауну джолу.
- Эл тойса, тоймагъан, эл къойса, къоймагъан.
- Элге къуллукъ этмеген, элге ие болмаз.
- Айраннга суу къош, телиге джол бош.
- Адеб джокъда, намыс джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72