- Хунаны тюбюн къазсанг, юсюнге ауар.
- Тойгъанлыкъ къойгъа джарашады.
- Билими азны – ауузунда кирит.
- Сууда джау джокъ, кёб сёзде магъана джокъ.
- Гугук кесини атын айтыб къычыргъанча, мен, мен деб нек тураса?
- Тамбла алтындан бюгюн багъыр ашхы.
- Башланнган иш битер, къымылдагъан тиш тюшер.
- Уллу сёзде уят джокъ.
- Джол бла сёзню къыйыры джокъ.
- Ичимден чыкъды хата, къайры барайым сата?
- Билгенни къолу къарны джандырыр.
- Аш берме да, къаш бер.
- Айтылгъан сёз ызына къайтмаз.
- Тенгинг джокъ эсе – изле, бар эсе – сакъла!
- Бюгюн дуния кибик, тамбла ахыратды.
- Тенги кёбню джау алмаз, акъылы кёбню дау алмаз.
- Тойгъан антын унутур.
- Атлыны ашхысы, ат тизгининден билинир
- Тойгъандан сора, ашны сёкме.
- Башы ишлегенни, ауузу да ишлер.
- Юреннген ауруу къалмаз.
- Элде адам къалмаса, ит тахтагъа минер.
- Эринчекни эр алмаз, эр алса да, кёл салмаз, кёл салса да, кёб бармаз!
- Элге къуллукъ этмеген, элге ие болмаз.
- Эр абынмай, эл танымаз.
- Таукел тауну аудурур.
- Кесине оноу эте билмеген, халкъына да эте билмез.
- Джыйырма къойну юч джыйырма эбзе кюте эди.
- Бети къызарыучу адамны, джюреги харам болмаз.
- Тил бла келеди джыр да.
- Тенгни тенглиги джашай барсанг билинир.
- Сабий кёргенин унутмаз.
- Окъугъанны бети джарыкъ.
- Джаш къарыу бла кючлю, къарт акъыл бла кючлю.
- Таш ата билмеген, башына урур.
- Тёрени джагъы джокъ.
- Окъдан джара эртде-кеч болса да бителир, сёз джара, ёмюрге къалыр.
- Эл ауузу – элек, анга ийнаннган – халек.
- Байлыкъ тауусулур, билим тауусулмаз.
- Эли джокъну – кёлю джокъ.
- Тилчиден кери бол.
- Къралынгы – душмандан, башынгы от бла суудан сакъла.
- Терслик кетер, тюзлюк джетер.
- Иги – алгъыш этер, аман – къаргъыш этер.
- Эшекни не къадар тюйсенг да, ат болмаз.
- Чомарт къолда мал къалмаз.
- Билген билмегенни юретген адетди.
- Гырджын – тепсини тамадасы.
- Тынгылагъан тынгы бузар.
- Кёпюр салгъан кеси ётер, уру къазгъан кеси кетер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72