- Къартны бурнун сюрт да, оноугъа тут.
- Келинин тута билмеген, къул этер, къызын тута билмеген, тул этер.
- Къатын къылыкъсыз, эр тынчлыкъсыз.
- Аууздан келген, къолдан келсе, ким да патчах болур эди.
- Уллу къашыкъ эрин джыртар.
- Къыйынлы джети элге оноу этер.
- Байны оноуу, джарлыгъа джарамаз.
- Кёб джашагъан – кёб билир.
- Хазыр ашха – терен къашыкъ.
- Юреннген ауруу къалмаз.
- Джангыз терек къынгыр ёсер.
- Ашда уялгъан – мухар, ишде уялгъан – хомух.
- Элиб деген, элге болушур.
- Бойнуму джети джерден кессенг да, мен ол ишни этеллик тюлме.
- Дуния мал дунияда къалады.
- Ата – баланы уясы.
- Тёрдеги кюлсе, эшикдеги ышарыр.
- Мал тутхан – май джалар.
- Ана кёлю – балада, бала кёлю – талада.
- Кёбге таш атма.
- Оюмсуз атлагъан, аджалсыз ёлюр.
- «Ма», - дегенни билмесенг, «бер», - дегенни билмезсе.
- Азыкъ аз болса, эртде орун сал.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёксюзню тилеги къабыл болур.
- Суу да къайтады чыкъгъан джерине.
- Окъугъанны бети джарыкъ.
- Ёлюр джаннга, ёкюл джокъ.
- Башланнган иш битер, къымылдагъан тиш тюшер.
- Атлыны кёрсе, джаяуну буту талыр.
- Кёзюнде тереги болгъан, чёбю болгъаннга кюле эди.
- Келинни – келгинчи, бёркню кийгинчи кёр.
- Ёзденликни джайгъан – джокълукъ.
- Иги болса, тамадама – махтау, аман болса, меннге – айыб.
- Тил джюрекге джол ишлейди.
- Ишлерге уял да, ашаргъа табма.
- Терек ауса, отунчу – кёб.
- Ачыкъ джюрекге джол – ачыкъ.
- Алим болгъандан эсе, адам болгъан къыйынды.
- Сакъ юйюне сау барыр.
- Акъыл неден да кючлюдю.
- Ашарыкъда сайлагъаннга – чий гырджын.
- Адамны сыфатына къарама, сёзюне къара.
- Эл ауузу – элия.
- Телини эшигин, махтау джабар.
- Нафысынгы айтханын этме, намысынгы айтханын эт.
- Таугъа чыгъаллыкъ эсенг, тюзде къалма.
- Кёпюр салгъан кеси ётер, уру къазгъан кеси кетер.
- Къонакъ болсанг, ийнакъ бол.
- Сабийни джумушха джибер да, ызындан бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72