- Билими азны – ауузунда кирит.
- Къанны къан бла джуума, аманны аман бла къуума.
- Кёпюр салгъан кеси ётер, уру къазгъан кеси кетер.
- Ач уят къоймаз.
- Билеги кючлю, бирни джыгъар, билими кючлю, мингни джыгъар.
- Минг тенг да азды, бир джау да кёбдю.
- Адамны сабийин сюйген джюреги, бычакъча, джитиди.
- Ойнай-ойнай кёз чыгъар.
- Ишлегенден, къарагъан уста.
- Нёгер болсанг, тенг бол, тенг болмасанг, кенг бол.
- Къарт бла баш аша, джаш бла аякъ аша.
- Кёб джат да, бек чаб.
- Джеринден айырылгъан – джети джылар, джуртундан айырылгъан – ёлгюнчю джылар.
- Чомартны къолу берекет.
- Сескекли кесин билдирир.
- Акъыл сабырлыкъ берир.
- Кийиминг бла танылма, адамлыкъ бла таныл.
- Джюз элде джюз ёгюзюм болгъандан эсе, джюз джууугъум болсун.
- Бир абыннган – минг сюрюнюр.
- Иги – алгъыш этер, аман – къаргъыш этер.
- Рысхы – сют юсюнде кёмюк кибикди.
- Аджаллыгъа окъсуз шкок атылыр.
- Тойчу джашха къарама, къойчу джашха къара.
- Байлыкъдан саулукъ ашхыды.
- Аш иеси бла татлыды.
- Артына баргъанны, къатына барма.
- Аякъларынгы джууургъанынга кёре узат.
- Эркиши – от, тиширыу – суу.
- Аууз сакълагъан – джан сакълар.
- Мал тутхан – май джалар.
- Тынгылагъан тынгы бузар.
- Тойгъа барсанг, тоюб бар, эски тонунгу къоюб бар.
- Сормай – алма, чакъырылмай – барма.
- Чакъырылмагъан джерге барма, чакъырылгъан джерден къалма.
- Чалманны аллы къалай башланса, арты да алай барады.
- Кёб ант этген, кёб ётюрюк айтыр.
- Кёл – къызбай, къол – батыр.
- Таукел тауну аудурур.
- Азыкъ аз болса, эртде орун сал.
- Кирсизни – саны таза, халалны – къаны таза.
- Ачыкъ джюрекге джол – ачыкъ.
- Аджашханны ызындагъы кёреди, джангылгъанны джанындагъы биледи.
- Адам сёзюнден белгили.
- Игини сыйлагъан адетди.
- Джаш болсун, къыз болсун, акъылы, саны тюз болсун.
- Эли джокъну – кёлю джокъ.
- Ашыкъгъанны этеги бутуна чырмалыр.
- Башланнган иш битер, къымылдагъан тиш тюшер.
- Ариу сёз – къылычдан джити.
- Алтыда кюлмеген, алтмышда кюлмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72