- Урунуу – насыбны анасы.
- Эл элде бирер малынг болгъандан эсе, бирер тенгинг болсун.
- Бет бетге къараса, бет да джерге къарар.
- От этилмеген джерден тютюн чыкъмайды.
- Босагъагъа джууукъ орун болса, ашыгъыб тёрге озма.
- Таш ата билмеген, башына урур.
- Этни да ашады, бетни да ашады.
- Къайгъы тюбю – тенгиз.
- Эр сокъур болсун, къатын тилсиз болсун.
- Эринчекге кюн узун.
- Къарын къуру болса, джюрек уру болур.
- Эки къатын алгъан – эки ташны ортасына башын салгъан.
- Ариу сёз – джаннга азыкъ, аман сёз – башха къазыкъ.
- Аш хазыр болса, иш харам болур.
- Эркишиге тары кебек танг кёрюнюр.
- Кёл – къызбай, къол – батыр.
- Ауругъанны сау билмез, ач къарынны токъ билмез.
- Ачлыкъда тары гырджын халыуадан татлы.
- Ауузу бла къуш тута айланады.
- Ана кёлю – балада, бала кёлю – талада.
- Аман киши кеси юйюнде – къонакъ.
- Кесинге джетмегенни, кёб сёлешме.
- Джаз бир кюнню джатсанг, къыш талай кюнню абынырса.
- Башы ишлегенни, ауузу да ишлер.
- Джарашыу сюйген – джалынчакъ.
- Адеб джокъда, намыс джокъ.
- Кёб джашагъан – кёб билир.
- Сакъламагъан затынга джолукъсанг, не бек къууанаса, не бек ачыйса.
- Кёлсюзден сёзсюз тууар.
- Нарт сёз – тилни бети.
- Бетинги сатма, малынгы сат.
- Джарлыны эшигин махтагъан джабар.
- Окъдан джара эртде-кеч болса да бителир, сёз джара, ёмюрге къалыр.
- Тешигини къатында, чычхан да батыр болур.
- Айтхан – тынч, этген – къыйын.
- Чабар ат – джетген къыз.
- Чомартны къолу берекет.
- Тойгъа алгъа да барма, тойда артха да къалма.
- Къызны минг тилер, бир алыр.
- Ёпкелегенни ашы татлы болады.
- Эки итни арасына сюек атма, эки адамны арасында сёз чыгъарма.
- Билим къая тешер.
- Акъыл неден да кючлюдю.
- Бозанг болмагъан джерге, къалагъынгы сукъма.
- Байлыкъ келсе, акъыл кетер.
- Эринчекни эр алмаз, эр алса да, кёл салмаз, кёл салса да, кёб бармаз!
- Халкъгъа джарагъан, джарлы къалмаз.
- Бал ашаргъа сюе эсенг, чибин ургъаннга тёз.
- Акъыллы эркиши атын махтар, акъылсыз эркиши къатынын махтар.
- Мен да «сен», дейме, сен да «кесим», дейсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72