- Иши джокъну, сыйы джокъ.
- Булут кёкге джарашыу, уят бетге джарашыу.
- Зарда марда джокъ.
- Джукъу тёшек сайламайды.
- Аш кетер да бет къалыр.
- Тилчи тилден къаныкъмаз.
- Тешик этген тынчды, аны джамагъан къыйынды.
- Таула не мийик болсала да, аууш табылыр.
- Джерни букъусу кёкге къонмаз.
- Кёз – сюйген джерде, къол – ауругъан джерде.
- Байны къызы баймакъ болса да, юйде къалмаз!
- Чарсда алчыны эл кёреди.
- Этек чакъмакълары баш джаргъан, сёлешген сёзлери таш джаргъан.
- Тин – байлыгъынг, терен саулугъунг.
- Акъыл аздырмаз, билим тоздурмаз.
- Хар адамгъа кеси миннген тау кибик.
- Элге къуллукъ этмеген, элге ие болмаз.
- Азыкълы ат арымаз, къатыны аман джарымаз.
- Аз сёлешген, къайгъысыз турур.
- Эртде тургъан джылкъычыны эркек аты тай табар.
- Дууулдаса – бал чибин, къонса – къара чибин.
- Баш болса, бёрк табылыр.
- Окъугъанны бети джарыкъ.
- Мадар болса, къадар болур.
- Чомартны къолу берекет.
- Ачлыкъ отха секиртир.
- Мухардан ач ычхынмаз.
- Босагъагъа джууукъ орун болса, ашыгъыб тёрге озма.
- Кёб джашагъан – кёб билир.
- Ауругъанны сау билмез, ач къарынны токъ билмез.
- Ашыкъгъан cуу, тенгизге джетмез.
- Окъуу – билимни ачхычы, окъуу – дунияны бачхычы.
- Ачылгъан эт джабылыр, кёрген кёз унутмаз.
- Кёл – къызбай, къол – батыр.
- Арыгъан къош чамчы болур.
- Къарнынг тойгъунчу аша да, белинг талгъынчы ишле.
- Къонакъны къачан кетерин сорма, къачан келлигин сор.
- Суу кетер, таш къалыр.
- Юйлю уругъа ит чабмаз.
- Минг тенг да азды, бир джау да кёбдю.
- Къызгъанчдан ычхыныр, мухардан ычхынмаз.
- Алтыда кюлмеген, алтмышда кюлмез.
- Тулпарлыкъ, билекден тюл – джюрекден.
- Тюкюрюк баш джармаз, налат кёз чыгъармаз!
- Ата Джуртун танымагъан, атасын да танымаз.
- Къартны сыйын кёрмеген, къартлыгъында сыйлы болмаз.
- Акъдан къара болмаз.
- Тойчу джашха къарама, къойчу джашха къара.
- Биреуню эскиси биреуге джангы болмайды.
- Биреуге аманлыкъны тилеме да, кесинге ашхылыкъны тиле.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72