- Тёзген – тёш ашар!
- Сютню башын джалагъан къутулур, тюбюн ичген тутулур.
- Ауузу бла къуш тута айланады.
- Гугурук къычырмаса да, тангны атары къалмаз.
- Сагъыш – къартлыкъгъа сюйюмчю.
- Джумушакъ сёз къаты таякъны сындырыр.
- Айырылгъанланы айю ашар, бёлюннгенлени бёрю ашар.
- Аз сёлеш, кёб ишле.
- Ариу сёз аурууунгу алыр.
- Экеу тутушса, биреу джыгъылыр.
- Ашыкъгъан cуу, тенгизге джетмез.
- Къан бла кирген, джан бла чыгъар.
- Кютгени беш эчки, сызгъыргъаны уа, джерни джарады.
- Ата Джуртуму башы болмасам да, босагъасында ташы болайым.
- Соргъан айыб тюлдю, билмеген айыбды.
- Aдам боллукъ, сыфатындан белгили.
- Айыбны суу бла джууалмазса.
- Тойгъа алгъа да барма, тойда артха да къалма.
- Сёз къанатсыз учар.
- Эски джаугъа ышанма.
- Эринчекни эр алмаз, эр алса да, кёл салмаз, кёл салса да, кёб бармаз!
- Сабий кёргенин унутмаз.
- Ёлмесенг да, къарт дамы болмазса?
- Ётюрюкню къуйругъу – бир тутум.
- Окъугъанны бети джарыкъ.
- Халкъгъа джарагъан, джарлы къалмаз.
- Аман къатын сабий табса, бий болур…
- Къулакъдан эсе, кёзге ышан.
- Ишни аллы бла къууанма да, арты бла къууан.
- Ашхы болсанг, атынг чыгъар, аман болсанг, джанынг чыгъар.
- Аджал соруб келмез, келсе, къайтыб кетмез.
- Чомарт джарлы болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Иги адам абынса да, джангылмаз.
- Аджашханны ызындагъы кёреди, джангылгъанны джанындагъы биледи.
- Кёб ант этген, кёб ётюрюк айтыр.
- Нафысынгы айтханын этме, намысынгы айтханын эт.
- Тёзгеннге, джабылгъан эшик ачылыр.
- Аманнга алтын чыдамаз.
- Джаханимни кёрмей, джандетге кёл салмазса.
- Сабий болмагъан джерде, мёлек болмаз.
- Тили узунну, намысы – къысха.
- Къартха ушагъан джаш – акъыллы, джашха ушагъан къарт – тели.
- Хантына кёре тузу, юйюне кёре къызы.
- Къууут – джелге, берне – бошха.
- Харам къарнашдан, халал тенг ашхы.
- Къуру гыбыт бек дыгъырдар.
- Сибиртки да сыйлы болду, кюрек да кюнлю болду.
- Эринчекни аурууу – кёб.
- Ышармагъан – кюлмез, кюлмеген – къууанчны билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72