- Хаухну атма, ёнгкючню сатма.
- Гитче джилтин уллу элни джандырыр.
- Магъанасыз сёз – тауушсуз сыбызгъы.
- Джаш болсун, къыз болсун, акъылы, саны тюз болсун.
- Адамны сабийин сюйген джюреги, бычакъча, джитиди.
- Тюкюрюк баш джармаз, налат кёз чыгъармаз!
- Келгинчи, къонакъ уялыр, келгенден сора, къонакъбай уялыр.
- Телини эшигин, махтау джабар.
- Билимсиз иш бармаз.
- Этек чакъмакълары баш джаргъан, сёлешген сёзлери таш джаргъан.
- Джумушакъ сёз къаты таякъны сындырыр.
- Къарын къуру болса, джюрек уру болур.
- Ойнай билмеген, оюн бузар.
- Тилчи тилден къаныкъмаз.
- Кёзю сокъурдан – къоркъма, кёлю сокъурдан – къоркъ.
- Ашхылыкъ джерде джатмайды, аманлыкъ суугъа батмайды.
- Ауузу бла къуш тута айланады.
- Сёз сёзню айтдырыр.
- Эрине къаргъыш этген къатын, эрнин къабар.
- Абынмазлыкъ аякъ джокъ, джангылмазлыкъ джаякъ джокъ.
- Сакъламагъан затынга джолукъсанг, не бек къууанаса, не бек ачыйса.
- Акъыл къартда, джашда тюйюлдю – башдады.
- Кюлме джашха – келир башха.
- Тойгъа алгъа да барма, тойда артха да къалма.
- Ашда – бёрю, ишде – ёлю.
- Билгенни къолу къарны джандырыр.
- Эри аманны, къатыны – аман.
- Джылар джаш, атасыны сакъалы бла ойнар.
- Биреу къой излей, биреу той излей.
- Сыфатында болмагъаны, суратында болмаз.
- Таукел къуру къалмаз.
- Тойгъан джерден туугъан джер игиди.
- Биреуню къыйынлыгъы бла кесинге джол ишлеме.
- Бети къызарыучу адамны, джюреги харам болмаз.
- Бастасын ашагъан, хантусун да ичер.
- Тура эдим джата, къайдан чыкъды хата?
- Танг атмайма десе да, кюн къоярыкъ тюйюлдю.
- Рысхы – насыбха къор.
- Баш – акъыл ючюн, акъылман – халкъ ючюн.
- Адеби болмагъан къыз – тузсуз хант.
- Ач да бол, токъ да бол – намысынга бек бол.
- Окъуусуз билим – джокъ, билимсиз кюнюнг – джокъ.
- Ачны эсинде – аш.
- Биреу ашаб къутулур, биреу джалаб тутулур.
- Тас болгъан бычакъны сабы – алтын.
- Битмегеннге сакъал – танг.
- Къарт болгъан джерде, берекет болур, сабий болгъан джерде, оюн болур.
- Намысы джокъну – дуниясы джокъ.
- Акъыл неден да кючлюдю.
- Джашлыкъ этмеген, башлыкъ этмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72