- Къартха ушагъан джаш – акъыллы, джашха ушагъан къарт – тели.
- Артына баргъанны, къатына барма.
- Къонакъ хазыр болгъанлыкъгъа, къонакъбай хазыр тюлдю.
- Джаш къарыу бла кючлю, къарт акъыл бла кючлю.
- Киштикге къанат битсе, чыпчыкъ къалмаз эди.
- Арба аугъандан сора, джол кёргюзтюучю кёб болур.
- Тёрдеги кюлсе, эшикдеги ышарыр.
- Джылыгъа джылан илешир.
- Кёбден умут этиб, аздан къуру къалма.
- Джырчы джырчыгъа – къарнаш.
- Келгинчи, къонакъ уялыр, келгенден сора, къонакъбай уялыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джашынгы кесинг юретмесенг, джашау юретир.
- Эли джокъну – кёлю джокъ.
- Сёлеш деб шай берген, тохта деб, сом берген.
- Мал кёб болса, джууукъ кёб болур.
- Огъурлуну сёзю – суу, огъурсузну сёзю – уу.
- Айранын берсенг, челегин да къызгъанма.
- Байны оноуу, джарлыгъа джарамаз.
- Ач да бол, токъ да бол – намысынга бек бол.
- Керилген да, ургъан кибикди.
- Иги джашны ышаны – аз сёлешиб, кёб тынгылар.
- Берекет берсин деген джерде, берекет болур.
- Бир онгсуз адам адет чыгъарды, деб эштирик тюлсе.
- Сормай – алма, чакъырылмай – барма.
- Зар адам ашынгы ашар, кесинги сатар.
- Сыфатында болмагъаны, суратында болмаз.
- Ауурну тюбю бла, дженгилни башы бла джюрюген.
- Кютгени беш эчки, сызгъыргъаны уа, джерни джарады.
- Джырчы ёлсе, джыры къалыр.
- Сабий кёргенин унутмаз.
- Иги – алгъыш этер, аман – къаргъыш этер.
- Ишге юренсин къоллары, халкъ бла болсун джоллары.
- Адамны аманы адамны бети бла ойнар.
- Накъырда – кертини келечиси.
- Биреуню эскиси биреуге джангы болмайды.
- Aдам боллукъ, сыфатындан белгили.
- Джангыз торгъай джырламаз.
- Болджал ишни бёрю ашар.
- Ёлюк кебинсиз къалмаз.
- Джолунга кёре – джюрюшюнг, джагъанга кёре – юлюшюнг.
- Ата Джуртча джер болмаз, туугъан элча эл болмаз.
- Къар – келтирди, суу – элтди.
- Телиге от эт десенг, юйюнге от салыр.
- Эшекни не къадар тюйсенг да, ат болмаз.
- Ашарыкъда сайлагъаннга – чий гырджын.
- Ёлген эшек бёрюден къоркъмайды.
- Ашыкъгъан cуу, тенгизге джетмез.
- Ашхы тенг джолгъа салыр, аман тенг джолдан тайдырыр.
- Ётюрюкчюню шагъаты – къатында.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72