Эльбрусоид :: Форум :: Архив форумов

Урама да – ёледи, сатама да – келеди.
Тилде сюек болмаса да, сюек сындырыр.
Рысхысына кёре, джаш ёсер, къышлыгъына кёре, мал ёсер.
Мураты болгъанны джюрек тебюую башхады.
Ушамагъан – джукъмаз.
Бюгюн дуния кибик, тамбла ахыратды.
Джыланны къуйругъундан басарынг келсе, аны башы болгъанын унутма.
Кёлю джокъну – джолу джокъ.
Аууз сакълагъан – джан сакълар.
Билимли ёлмез, билимсиз кёрмез.
Акъыл къартда, джашда тюйюлдю – башдады.
Билими азны – ауузунда кирит.
Къызын тута билмеген, тул этер, джашын тута билмеген, къул этер.
Ата – баланы уясы.
Ауругъанны сау билмез, ач къарынны токъ билмез.
Джеринден айырылгъан – джети джылар, джуртундан айырылгъан – ёлгюнчю джылар.
Иги сёз – джаннга азыкъ, аман сёз башха – къазыкъ.
Ургъан суудан башынгы сакъла.
Билимсиз иш бармаз.
Ач – эснер, ат – кишнер.
Игилик игилик бла сингдирилиучю затды.
Татлы сёз – балдан татлы.
Зар адамны насыбы болмаз.
Къоркъакъны кёзю экили кёрюр.
Сыфатында болмагъаны, суратында болмаз.
Ауругъан – джашаудан умутчу.
Мени джылытмагъан кюн, меннге тиймесин!
Хар зат кесини орнуна иги.
Кюл тюбюндеги от кёрюнмейди.
Эринчекни эр алмаз, эр алса да, кёл салмаз, кёл салса да, кёб бармаз!
Къонакъ кёб келюучю юйню, къазаны отдан тюшмез.
Хансыз джомакъ болмаз.
Этни да ашады, бетни да ашады.
Этек чакъмакълары баш джаргъан, сёлешген сёзлери таш джаргъан.
Аман къатын сабий табса, бий болур…
Мал кёб болса, джууукъ кёб болур.
Аджашхан тёгерек айланыр.
Намыс болмагъан джерде, насыб болмаз.
Айтхан – тынч, этген – къыйын.
Кесине гебен этелмеген, биреуге черен эте эди.
Алим болгъандан эсе, адам болгъан къыйынды.
Эрни эр этерик да, къара джер этерик да, тиширыуду.
Кёб къычыргъандан – къоркъма, тынч олтургъандан – къоркъ.
Башсыз урчукъ тюзюне айланмаз.
Къонакъны къачан кетерин сорма, къачан келлигин сор.
Эринчекге кюн узун.
Ишни ахырын ойламай, аллын башлама.
Чомартха Тейри да борчлуду.
Ауузу аманнга «иги», деме.
Зар адам ашынгы ашар, кесинги сатар.

Логин:
Пароль:
	Запомнить меня на этом компьютере

Забыли свой пароль?
Регистрация