- Адам къаллай бир ишленмесе, аллай бир кесин уллу кёреди.
- Юй ишлеген балта эшикде къалыр.
- Бал чибинни ургъаны – ачы, балы – татлы.
- Этни да ашады, бетни да ашады.
- Кийим тукъум сордурур.
- Къатын байлыкъны сюер, эр саулукъну сюер.
- Булут кёкге джарашыу, уят бетге джарашыу.
- Айтылгъан сёз ызына къайтмаз.
- Шайтан алдады, тюзлюк къаргъады.
- Кёбге таш атма.
- Байлыкъ адамны сокъур этер.
- Билим насыб берир, билим джолну керир.
- Ач къарным, тынч къулагъым.
- Бир абыннган – минг сюрюнюр.
- Насыб бютеу халкъны юлюшюдю.
- Айтхан – тынч, этген – къыйын.
- Сескекли кесин билдирир.
- Алтыннга тот къонмаз.
- Къарт бла баш аша, джаш бла аякъ аша.
- Арыгъан къош чамчы болур.
- Иги болса, тамадама – махтау, аман болса, меннге – айыб.
- Эл ауузу – элек, анга ийнаннган – халек.
- Эки элинги тыйсанг, джети элде махталырса.
- Магъанасыз сёз – тауушсуз сыбызгъы.
- Аллахдан тилесенг, кёб тиле.
- Таугъа чыгъаллыкъ эсенг, тюзде къалма.
- Бети къызарыучу адамны, джюреги харам болмаз.
- Кёбню кёрген – кёб билир.
- Сормай – алма, чакъырылмай – барма.
- Эрине къаргъыш этген къатын, эрнин къабар.
- Ач бёрюге мекям джокъ.
- Татлы сёз – балдан татлы.
- Айыбны суу бла джууалмазса.
- Таш ата билмеген, башына урур.
- Кёлсюзден сёзсюз тууар.
- Дженгил джетерикме деб, узун джолну къоюб, къысхасын барма.
- Къарыусузгъа кюлме, онгсузгъа тийме.
- Байлыкъ келсе, акъыл кетер.
- Ата Джуртуму башы болмасам да, босагъасында ташы болайым.
- Тыш элде солтан болгъандан эсе, кесинги элде олтан болгъан игиди!
- Харам къарнашдан, халал тенг ашхы.
- Эки къатын алгъан – эки ташны ортасына башын салгъан.
- Келинин тута билмеген, къул этер, къызын тута билмеген, тул этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Сабийликде юретмесенг, уллу болса – тюзелмез.
- Нафысынгы айтханын этме, намысынгы айтханын эт.
- Мен да «сен», дейме, сен да «кесим», дейсе.
- Окъуусуз билим – джокъ, билимсиз кюнюнг – джокъ.
- Айранын берсенг, челегин да къызгъанма.
- Адебни адебсизден юрен.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72