- Къарт айтханны этмеген, къартаймаз.
- Айранны сюйген, ийнек тутар.
- Къыйынлы джети элни къайгъысын этер.
- Онгсузну – джакъла, тенгликни – сакъла.
- Джырчы джырчыгъа – къарнаш.
- Ач, тоймам, дейди, тойгъан, ач болмам, дейди.
- Сормай – алма, чакъырылмай – барма.
- Ауурну тюбю бла, дженгилни башы бла джюрюген.
- Башда акъыл болмаса, эки аякъгъа кюч джетер.
- Къазанчы аман болса, къазаны къайнамаз.
- Босагъагъа джууукъ орун болса, ашыгъыб тёрге озма.
- Чакъырылмагъан къонакъ къачан кетерин сормаз.
- Биреуню эскиси биреуге джангы болмайды.
- Болджал ишни бёрю ашар.
- Акъыл неден да кючлюдю.
- Акъыл сабырлыкъ берир.
- Джырчы ёлсе, джыры къалыр.
- Къонакъ хазыр болгъанлыкъгъа, къонакъбай хазыр тюлдю.
- Малны кют, джерни тюрт.
- Тенги кёбню джау алмаз, акъылы кёбню дау алмаз.
- Акъыл къартда, джашда тюйюлдю – башдады.
- Кесине оноу эте билмеген, халкъына да эте билмез.
- Биреуге кёлтюрген таягъынг, кесинги башынга урур.
- Ётюрюк хапар аякъ тюбю бла джюрюйдю.
- Хатерли къул болур.
- Тойгъандан сора, ашны сёкме.
- Ичимден чыкъды хата, къайры барайым сата?
- Акъыллы – эл иеси, тели – эл баласы.
- Ауругъанны сау билмез, ач къарынны токъ билмез.
- Ёзденликни джайгъан – джокълукъ.
- Адам боллукъ, атламындан белгили болур.
- Экиндини кеч къылсанг, чабыб джетер ашхам.
- Ариу джол аджал келтирмез.
- Юйюнгден чыкъдынг – кюнюнгден чыкъдынг.
- Кёпюр салгъан кеси ётер, уру къазгъан кеси кетер.
- Кёл – къызбай, къол – батыр.
- Биреуню тёрюнден, кесинги эшик артынг игиди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Азыкълы ат арымаз, къатыны аман джарымаз.
- Эркиши – от, тиширыу – суу.
- Суу ичген шауданынга тюкюрме.
- Мал тутхан – май джалар.
- Джаш къарыу бла кючлю, къарт акъыл бла кючлю.
- Ётюрюкчюню шагъаты – къатында.
- Айранын берсенг, челегин да къызгъанма.
- Тойчу джашха къарама, къойчу джашха къара.
- Байны оноуу, джарлыгъа джарамаз.
- Аш берме да, къаш бер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тойну къарнашы – харс, джырны къарнашы – эжиу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72