- Байлыкъдан саулукъ ашхыды.
- Кирсизни – саны таза, халалны – къаны таза.
- Ашатыргъа иш – ашхы, ишлетирге аш – ашхы.
- Намысы джокъну – дуниясы джокъ.
- Окъдан джара эртде-кеч болса да бителир, сёз джара, ёмюрге къалыр.
- Аманнга игилик этсенг, юйюнге сау бармазса.
- Уллу атлама – абынырса, уллу къабма – къарылырса.
- Аманны эки битли тону болур, бирин сеннге кийдирир, бирин кеси киер.
- Джан саулукъ бермей, сан саулукъ бермезсе.
- Ишлегенде эринме, ишде чолакъ кёрюнме.
- Суу кетер, таш къалыр.
- Рысхысына кёре, джаш ёсер, къышлыгъына кёре, мал ёсер.
- Тойгъа барсанг, тоюб бар, эски тонунгу къоюб бар.
- Босагъа таш юйге кирмей эди, тыбыр таш эшикге чыкъмай эди.
- Кюн – узун, ёмюр – къысха.
- Чомартны къолун джокълукъ байлар.
- Ашда уялгъан – мухар, ишде уялгъан – хомух.
- Ойнаб айтсанг да, эслеб айт.
- Мени джылытмагъан кюн, меннге тиймесин!
- Уллу къашыкъ эрин джыртар.
- Тёрдеги кюлсе, эшикдеги ышарыр.
- Сыфатында болмагъаны, суратында болмаз.
- Магъанасыз сёз – тауушсуз сыбызгъы.
- Эте билген, этген этеди, эте билмеген, юретген этеди!
- Адамны джюреги нени кёрюрге сюйсе, кёзю да аны кёрюрге ёч болады.
- Телиге акъыл салгъандан эсе, ёлгеннге джан салырса.
- Ариу сёз джыланны орнундан чыгъарыр.
- Шекер бла туз – бир болмаз, ушамагъан – юй болмаз.
- Иши джокъну, сыйы джокъ.
- Эр сокъур болсун, къатын тилсиз болсун.
- Тау башында, тау болмаз, джангыз терек, бау болмаз.
- Къазанны башы ачыкъ болса, итге уят керекди.
- Артына баргъанны, къатына барма.
- Къралынгы – душмандан, башынгы от бла суудан сакъла.
- Тик ёргени, тик энгишгеси да болады.
- Киштикге къанат битсе, чыпчыкъ къалмаз эди.
- Зарда марда джокъ.
- Эри аманны, къатыны – аман.
- Эринчекни эр алмаз, эр алса да, кёл салмаз, кёл салса да, кёб бармаз!
- Сууда джау джокъ, кёб сёзде магъана джокъ.
- Джыйырма къойну юч джыйырма эбзе кюте эди.
- Джол бла сёзню къыйыры джокъ.
- Алим болгъандан эсе, адам болгъан къыйынды.
- Элиб деген, элге болушур.
- Джолда аягъынга сакъ бол, ушакъда тилинге сакъ бол.
- Ханнга да келеди хариблик.
- Ачыкъ джюрекге джол – ачыкъ.
- Ашхы атаны – джашы ашхы, ашхы ананы – къызы ашхы.
- Келгинчи, къонакъ уялыр, келгенден сора, къонакъбай уялыр.
- Юреннген ауруу къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72