- Къонакъ аз олтурур, кёб сынар.
- Хатерли къул болур.
- Намыс болмагъан джерде, насыб болмаз.
- Кёб ант этген, кёб ётюрюк айтыр.
- Къызгъанчдан ычхыныр, мухардан ычхынмаз.
- Чакъырылгъанны аты, чакъырылмагъанны багъасы болур.
- Адамгъа аман кюн соруб келмейди.
- Игини сыйлагъан адетди.
- Чомарт къонакъ юй иесин сыйлар.
- Шайтан алдады, тюзлюк къаргъады.
- Акъыл аздырмаз, билим тоздурмаз.
- Ёзденликни джайгъан – джокълукъ.
- Таякъ этден ётер, тил сюекден ётер.
- Аманнга да, игиге да оноусуз къатышма.
- Айранны сюйген, ийнек тутар.
- Нёгер болсанг, тенг бол, тенг болмасанг, кенг бол.
- Ишлегенден, къарагъан уста.
- Хунаны тюбюн къазсанг, юсюнге ауар.
- От кюйдюрген, сау болса да, тот кюйдюрген, сау болмаз.
- Адамны сабийин сюйген джюреги, бычакъча, джитиди.
- Гугук кесини атын айтыб къычыргъанча, мен, мен деб нек тураса?
- Ётюрюкню башын керти кесер.
- Эл бла кёргенинг эрелей.
- Юйлю уругъа ит чабмаз.
- Аууз сакълагъан – джан сакълар.
- Бастасын ашагъан, хантусун да ичер.
- Джуртун къоругъан озар.
- Билимли ёлмез, билимсиз кёрмез.
- Билмейме деген – бир сёз
- Ата Джуртча джер болмаз, туугъан элча эл болмаз.
- Ашлыкъны арба юйге келтирир, чана базаргъа элтир.
- Ханнга да келеди хариблик.
- Хар ишни да аллы къыйынды.
- Адебни адебсизден юрен.
- Иги сёз – джаннга азыкъ, аман сёз башха – къазыкъ.
- Этни бети бла шорпасы.
- Байлыкъдан саулукъ ашхыды.
- Сагъышы джокъ – джукъучу, акъылы джокъ – къаугъачы.
- Тешигини къатында, чычхан да батыр болур.
- Минг тенг да азды, бир джау да кёбдю.
- Эшекни не къадар тюйсенг да, ат болмаз.
- Ариу джол аджал келтирмез.
- Кеси юйюмде мен да ханма.
- Мал тутхан – май джалар.
- Ана – юйню кюн джарыгъы.
- Джарлыны эшигин махтагъан джабар.
- Джети тилни билген джети кишиди.
- Уясында не кёрсе, учханында аны этер.
- Джумушакъ терекни къурт ашар.
- Ашаса, ашамаса да, бёрюню ауузу – къан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72