Эльбрусоид :: Форум :: Архив форумов

Уллу къазанда бишген эт, чий къалмаз.
Эл тойса, тоймагъан, эл къойса, къоймагъан.
Чомарт джарлы болмаз.
Ёзденликни кёбю ётюрюк.
Келинни – келгинчи, бёркню кийгинчи кёр.
Аллахдан тилесенг, кёб тиле.
Билимсиз иш бармаз.
Онгсузну – джакъла, тенгликни – сакъла.
Бозаны арты дауур болур.
Зарда марда джокъ.
Арбаз сайлама да, хоншу сайла.
Сёз – кюмюш, джыр – алтын.
Суу кетер, таш къалыр.
Келлик заман – къартлыкъ келтирир, кетген заман – джашлыкъ ёлтюрюр.
Къозулугъунда тоймагъан, къойлугъунда тоймаз.
Эртде тургъан бла эртде юйленнген сокъуранмаз.
Гугук кесини атын айтыб къычыргъанча, мен, мен деб нек тураса?
Ачлыкъда тары гырджын халыуадан татлы.
Къыз тиширыу кеси юйюнде да къонакъды.
Къазанчы аман болса, къазаны къайнамаз.
Аджаллыгъа окъсуз шкок атылыр.
Ичимден чыкъды хата, къайры барайым сата?
Джашынгы кесинг юретмесенг, джашау юретир.
Аурууну келиую тынч, кетиую – къыйын.
Къатын байлыкъны сюер, эр саулукъну сюер.
Бек ашыкъгъан меннге джетсин, дегенди аракъы.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кёзден кетген, кёлден да кетеди.
Хантына кёре тузу, юйюне кёре къызы.
Къарнынг къанлынга кийирир.
Юй кюйдю да, кюйюз чыкъды, ортасындан тюйюш чыкъды.
Мухардан ач ычхынмаз.
Тойгъандан сора, ашны сёкме.
Тас болгъан бычакъны сабы – алтын.
Накъырда – кертини келечиси.
Ата джурт – алтын бешик.
Байлыкъ адамны сокъур этер.
Кёлсюзден сёзсюз тууар.
Аджашханны ызындагъы кёреди, джангылгъанны джанындагъы биледи.
Сютден ауузу кюйген, суугъа юфгюре эди.
Юйюнг бла джау болгъандан эсе, элинг бла джау бол.
Джол бла сёзню къыйыры джокъ.
Уясында не кёрсе, учханында аны этер.
Хоншуну тауугъу къаз кёрюнюр, келини къыз кёрюнюр.
Аман къатын алгъан, арыр, иги къатын алгъан джарыр.
Олтуруб кёрюнмей эди да, ёрге туруб кёрюне эди.
Тынгылагъан тынгы бузар.
Кёзню ачылгъаны – иги, ауузну джабылгъаны – иги.
Ёпкелегенни ашы татлы болады.
Ашхы – джыяр, аман – джояр.

Логин:
Пароль:
	Запомнить меня на этом компьютере

Забыли свой пароль?
Регистрация