- Ишни ахырын ойламай, аллын башлама.
- Башланнган иш битер, къымылдагъан тиш тюшер.
- Ётюрюкчюню шагъаты – къатында.
- Кесине оноу эте билмеген, халкъына да эте билмез.
- Таш ата билмеген, башына урур.
- Джашны джигитлиги сорулур, къызны джигерлиги сорулур.
- Чомарт къолда мал къалмаз.
- Гугурук къычырмаса да, тангны атары къалмаз.
- Джиби бир къат джетмей эди да, эки къат тарта эди.
- Керек ташны ауурлугъу джокъ.
- Кёбню кёрген – кёб билир.
- Айырылгъанланы айю ашар, бёлюннгенлени бёрю ашар.
- Эл тойса, тоймагъан, эл къойса, къоймагъан.
- Джашда акъыл джокъ, къартда къарыу джокъ.
- Аманнга алтын чыдамаз.
- Тулпарлыкъ, билекден тюл – джюрекден.
- От этилмеген джерден тютюн чыкъмайды.
- Билген билмегенни юретген адетди.
- Баланы адам этген анады.
- Халкъны джырын джырласанг, халкъ санга эжиу этер.
- Урама да – ёледи, сатама да – келеди.
- Таукелге нюр джауар.
- Насыб бютеу халкъны юлюшюдю.
- Сууда джау джокъ, кёб сёзде магъана джокъ.
- Ёгюзню мюйюзлери ауурлукъ этмейдиле.
- Намысы болмагъанны, сыйы болмаз.
- Аманны эки битли тону болур, бирин сеннге кийдирир, бирин кеси киер.
- Атлыны кёрсе, джаяуну буту талыр.
- Аз сёлеш, кёб ишле.
- Билимсиз иш бармаз.
- Къарт бла баш аша, джаш бла аякъ аша.
- Айранны сюйген, ийнек тутар.
- Орундукъ тюбюнде атылсам да, орта джиликме, де да айлан.
- Тойгъа барсанг, тоюб бар, эски тонунгу къоюб бар.
- Эм уллу байлыкъ – джан саулукъ.
- Тилде сюек болмаса да, сюек сындырыр.
- Ишни аллы бла къууанма да, арты бла къууан.
- Тюкюрюк баш джармаз, налат кёз чыгъармаз!
- Асхат ашлыкъ сата, юйдегиси ачдан къата.
- Къобан да къуру да къобханлай турмайды, адам да къуру да патчахлай турмайды.
- Ана – юйню кюн джарыгъы.
- Ариу сёз аурууунгу алыр.
- Кечеси – аяз, кюню – къыш, джарлы къаргъагъа бир аш тюш!
- Баш болса, бёрк табылыр.
- Сёз къанатсыз учар.
- Мадар болса, къадар болур.
- Кюлме джашха – келир башха.
- Тенги кёбню джау алмаз, акъылы кёбню дау алмаз.
- Байны оноуу, джарлыгъа джарамаз.
- Билим – акъылны чырагъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72