- Уясында не кёрсе, учханында аны этер.
- Игини сыйлагъан адетди.
- Ат да турмайды бир териде.
- Эркиши – от, тиширыу – суу.
- Ишин билген, аны сыйын чыгъарады.
- Уллу сёлешме да, уллу къаб.
- Башы ишлегенни, ауузу да ишлер.
- Абынмазлыкъ аякъ джокъ, джангылмазлыкъ джаякъ джокъ.
- Бёрю да ач къалмасын, эчки да ашалмасын.
- Тойчу джашха къарама, къойчу джашха къара.
- Адамны бетине къарама, адетине къара.
- Къошда джокъгъа – юлюш джокъ.
- Хар зат кесини орнуна иги.
- Ачны эсинде – аш.
- Намыс сатылыб алынмайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Юйлю уругъа ит чабмаз.
- Сёз сёзню айтдырыр.
- Ётюрюкню башын керти кесер.
- Байлыкъ болгъан джерде, тынчлыкъ джокъду.
- Айтылгъан сёз ызына къайтмаз.
- Ач къарынны, токъ билмез
- Чомарт къолда мал къалмаз.
- Тюзлюк тас болмайды.
- Ашыкъгъанны этеги бутуна чырмалыр.
- Сормай – алма, чакъырылмай – барма.
- Тойгъан антын унутур.
- Адебсиз адам – джюгенсиз ат.
- Адам боллукъ, атламындан белгили болур.
- Келлик заман – къартлыкъ келтирир, кетген заман – джашлыкъ ёлтюрюр.
- Джюз элде джюз ёгюзюм болгъандан эсе, джюз джууугъум болсун.
- Рысхы – сют юсюнде кёмюк кибикди.
- Арбаз сайлама да, хоншу сайла.
- Эртде тургъан бла эртде юйленнген сокъуранмаз.
- Ашлыкъ – бюртюкден, джюн – тюкден.
- Къайтырыкъ эшигинги, къаты уруб чыкъма.
- Бек ашыкъгъан меннге джетсин, дегенди аракъы.
- Джогъун бар этген, барын бал этген.
- Кёлю джокъну – джолу джокъ.
- Рысхы – насыбха къор.
- Чомарт бергенин айтмаз.
- Киштикге къанат битсе, чыпчыкъ къалмаз эди.
- Харам къарнашдан, халал тенг ашхы.
- Кютгени беш эчки, сызгъыргъаны уа, джерни джарады.
- Адамны аты башхача, акъылы да башхады.
- Къарнынг къанлынга кийирир.
- Кёкдеги болмаса, джердегин кёрмейди.
- Шекер бла туз – бир болмаз, ушамагъан – юй болмаз.
- Аман адам элни бир-бирине джау этер.
- Насыблы элин сюер, насыбсыз кесин сюер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72