- Уллу къазанда бишген эт, чий къалмаз.
- Тешик этген тынчды, аны джамагъан къыйынды.
- Къарнынг тойгъунчу аша да, белинг талгъынчы ишле.
- Дженгил джетерикме деб, узун джолну къоюб, къысхасын барма.
- Ишлегенде эринме, ишде чолакъ кёрюнме.
- Хатерли къул болур.
- Акъыллы эркиши атын махтар, акъылсыз эркиши къатынын махтар.
- Кийимни бичсенг, кенг бич, тар этген къыйын тюлдю.
- Эки итни арасына сюек атма, эки адамны арасында сёз чыгъарма.
- Чабар ат – джетген къыз.
- Эки къатын алгъан – эки ташны ортасына башын салгъан.
- Ауурну тюбю бла, дженгилни башы бла джюрюген.
- Джолда аягъынга сакъ бол, ушакъда тилинге сакъ бол.
- Биреуге аманлыкъны тилеме да, кесинге ашхылыкъны тиле.
- Керилген да, ургъан кибикди.
- Мураты болгъанны джюрек тебюую башхады.
- Ач уят къоймаз.
- Къарын къуру болса, джюрек уру болур.
- Акъыл сабырлыкъ берир.
- Кюн кёрмеген, кюн кёрсе, кюндюз чыракъ джандырыр.
- Аман адам этегингден тутса, кес да къач.
- Чомарт къолда мал къалмаз.
- Джашда акъыл джокъ, къартда къарыу джокъ.
- Эки къатын алгъанны къулагъы тынгнгаймаз.
- Кёлсюзден сёзсюз тууар.
- Хар адамгъа кеси миннген тау кибик.
- Ётюрюкню башын керти кесер.
- От кюйдюрген, сау болса да, тот кюйдюрген, сау болмаз.
- Кийиминг бла танылма, адамлыкъ бла таныл.
- Айтылгъан буйрукъ, сёгюлмез
- Сютден ауузу кюйген, суугъа юфгюре эди.
- Къыйынлы джети элге оноу этер.
- Ачлыкъ отха секиртир.
- Намыс болмагъан джерде, насыб болмаз.
- Намысы болмагъанны, сыйы болмаз.
- Абынмазлыкъ аякъ джокъ, джангылмазлыкъ джаякъ джокъ.
- Джылкъыдан – ат чыгъар, тукъумдан – джаш чыгъар.
- Чарсда алчыны эл кёреди.
- Хаухну атма, ёнгкючню сатма.
- Келинин тута билмеген, къул этер, къызын тута билмеген, тул этер.
- Чакъырылмагъан къонакъ къачан кетерин сормаз.
- Шапа кёб болса, аш татымсыз болур.
- Джумушакъ сёз къаты таякъны сындырыр.
- Адеб базарда сатылмаз.
- Акъдан къара болмаз.
- Таукелге нюр джауар.
- Аш берме да, къаш бер.
- Джарлыны эшигин махтагъан джабар.
- Аман къатын алгъан, арыр, иги къатын алгъан джарыр.
- Чомартны къолун джокълукъ байлар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72