- Гугурук къычырмаса да, тангны атары къалмаз.
- Ач бёрюге мекям джокъ.
- Мухар, кеси тойса да, кёзю тоймаз.
- Ач, тоймам, дейди, тойгъан, ач болмам, дейди.
- Акъыл неден да кючлюдю.
- Уллу къазанда бишген эт, чий къалмаз.
- Чомарт джарлы болмаз.
- Аманнга игилик этсенг, юйюнге сау бармазса.
- Эки элинги тыйсанг, джети элде махталырса.
- Таукел адам тау тешер.
- Нёгерсизни джолу узун.
- Ата Джуртуму башы болмасам да, босагъасында ташы болайым.
- Тойгъан джерге джети къайт.
- Ётюрюк хапар аякъ тюбю бла джюрюйдю.
- Адеби болмагъан къыз – тузсуз хант.
- Сакъ юйюне сау барыр.
- Иги сеники эсе да, сюйген кесимикин этеме.
- Ёлген ийнек сютлю болур.
- Адеб базарда сатылмаз.
- Чабар ат – джетген къыз.
- Ханы къызы буюгъа-буюгъа киштик болду.
- Джырчы джырчыгъа – къарнаш.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Уясында не кёрсе, учханында аны этер.
- Адамны бетине къарама, адетине къара.
- Аман киши кеси юйюнде – къонакъ.
- Кютгени беш эчки, сызгъыргъаны уа, джерни джарады.
- Къыйынлы джети элге оноу этер.
- Билими азны – ауузунда кирит.
- Биреуге кёлтюрген таягъынг, кесинги башынга урур.
- Къарт бла баш аша, джаш бла аякъ аша.
- Экеулен сёлеше тура эселе, орталарына барыб кирме.
- Тёрде – темир таякълы, къаяда – чыпчыкъ аякълы.
- Джюз элде джюз ёгюзюм болгъандан эсе, джюз джууугъум болсун.
- Азыгъы аз, алгъа къабар, аты аман, алгъа чабар.
- Битмегеннге сакъал – танг.
- Тюкюрюк баш джармаз, налат кёз чыгъармаз!
- Къатын байлыкъны сюер, эр саулукъну сюер.
- Аякъларынгы джууургъанынга кёре узат.
- Айтхан – тынч, этген – къыйын.
- Зар адам ашынгы ашар, кесинги сатар.
- Эки къатын алгъан – эки ташны ортасына башын салгъан.
- Тели турса – той бузар.
- Телиге акъыл салгъандан эсе, ёлгеннге джан салырса.
- Кесинг сынамагъан затны, адамгъа буюрма.
- Тура эдим джата, къайдан чыкъды хата?
- Хатерли къул болур.
- Чакъырылмай келген къонакъ сыйланмай кетер.
- Сууда джау джокъ, кёб сёзде магъана джокъ.
- Ач отунчуну ачыуу – бурнунда.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72