- Келинин тута билмеген, къул этер, къызын тута билмеген, тул этер.
- Акъыл къартда, джашда тюйюлдю – башдады.
- Къозулугъунда тоймагъан, къойлугъунда тоймаз.
- Къарын къуру болса, джюрек уру болур.
- Рысхы – насыбха къор.
- Зар адам ашынгы ашар, кесинги сатар.
- Къыз чыгъаргъан – къызыл къымжа.
- Аманнга алтын чыдамаз.
- Къартны бурнун сюрт да, оноугъа тут.
- Джиби бир къат джетмей эди да, эки къат тарта эди.
- Aдам боллукъ, сыфатындан белгили.
- Ата джурт – алтын бешик.
- Элге къуллукъ этмеген, элге ие болмаз.
- Нафысынгы айтханын этме, намысынгы айтханын эт.
- Джуртун къоругъан озар.
- Къар – келтирди, суу – элтди.
- Азыкъ аз болса, эртде орун сал.
- Алим болгъандан эсе, адам болгъан къыйынды.
- Билмезни кёзю кёрмез, этмезни къулагъы эшитмез.
- Тилчиден кери бол.
- Юреннген ауруу къалмаз.
- Билеги кючлю, бирни джыгъар, билими кючлю, мингни джыгъар.
- Хансыз джомакъ болмаз.
- Эллинг бла джау болсанг да, юйюнг бла джау болма.
- Мен да «сен», дейме, сен да «кесим», дейсе.
- Ишлегенде эринме, ишде чолакъ кёрюнме.
- Ургъан суудан башынгы сакъла.
- Болджал ишни бёрю ашар.
- Ашлыкъны арба юйге келтирир, чана базаргъа элтир.
- Билим къая тешер.
- Акъыл аздырмаз, билим тоздурмаз.
- Аш кетер да бет къалыр.
- Алтыда кюлмеген, алтмышда кюлмез.
- Малны кют, джерни тюрт.
- Къызын тута билмеген, тул этер, джашын тута билмеген, къул этер.
- Эринчекни аурууу – кёб.
- Тели турса – той бузар.
- Атадан ёксюз – бир ёксюз, анадан ёксюз – эки ёксюз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыллы айтыр эди, акъылсыз къоймайды.
- Мал ёлсе, сюек къалыр, адам ёлсе, иши къалыр.
- Билим насыб берир, билим джолну керир.
- Кийимни бичсенг, кенг бич, тар этген къыйын тюлдю.
- Кесине гебен этелмеген, биреуге черен эте эди.
- Аманны эки битли тону болур, бирин сеннге кийдирир, бирин кеси киер.
- Иши джокъну, сыйы джокъ.
- Намысы джокъну – дуниясы джокъ.
- Эшекге миннген – биринчи айыб, андан джыгъылгъан – экинчи айыб.
- Терслик кетер, тюзлюк джетер.
- Джетген къыз джерли эшекни танымаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72