- Халкъны юйю – туугъан джери.
- Мен да «сен», дейме, сен да «кесим», дейсе.
- Атлыны кёрсе, джаяуну буту талыр.
- Кёпюр салгъан кеси ётер, уру къазгъан кеси кетер.
- Накъырданы арты керти болур.
- Адамны бетине къарама, адетине къара.
- Хантына кёре тузу, юйюне кёре къызы.
- Чабакъ башындан чирийди.
- Игилик игилик бла сингдирилиучю затды.
- Джарлы эскисин джамаса, къууаныр.
- Окъугъан – асыу, окъумагъан – джарсыу.
- Билимден уллу байлыкъ джокъду.
- Алма терегинден кери кетмез.
- Келинни – келгинчи, бёркню кийгинчи кёр.
- Чарсда алчыны эл кёреди.
- Махтаннган къыз, тойда джукълар.
- Сакъ юйюне сау барыр.
- Кёбден умут этиб, аздан къуру къалма.
- Къарнынг бла ёч алма.
- Тюзню ётмеги тюзде къалса да, тас болмаз.
- Ашда – бёрю, ишде – ёлю.
- Суугъа – таянма, джаугъа – ийнанма.
- Ач келгенни – тойдур, кеч келгенни – къондур.
- Акъыл къартда, джашда тюйюлдю – башдады.
- Джумушакъ терекни къурт ашар.
- Кёбге таш атма.
- Ач – эснер, ат – кишнер.
- Окъдан джара эртде-кеч болса да бителир, сёз джара, ёмюрге къалыр.
- Тин – байлыгъынг, терен саулугъунг.
- Сабыр джетер муратха, сабырсыз къалыр уятха.
- Адамны артындан къара сабан сюрме.
- Джарлы тюеге минсе да, ит къабар.
- Кюн кёрмеген, кюн кёрсе, кюндюз чыракъ джандырыр.
- Келинин тута билмеген, къул этер, къызын тута билмеген, тул этер.
- Ашхылыкъ джерде джатмайды, аманлыкъ суугъа батмайды.
- Киштикге къанат битсе, чыпчыкъ къалмаз эди.
- Къозулугъунда тоймагъан, къойлугъунда тоймаз.
- Ашаса, ашамаса да, бёрюню ауузу – къан.
- Биреу къой излей, биреу той излей.
- Ишге юренсин къоллары, халкъ бла болсун джоллары.
- Азыкълы ат арымаз, къатыны аман джарымаз.
- Къобан да къуру да къобханлай турмайды, адам да къуру да патчахлай турмайды.
- Кютгени беш эчки, сызгъыргъаны уа, джерни джарады.
- Джумушакъ сёз къаты таякъны сындырыр.
- Зарда марда джокъ.
- Аз айтсам, кёб ангылагъыз.
- Экеулен сёлеше тура эселе, орталарына барыб кирме.
- Ариу сёз – къылычдан джити.
- Джарлы джети элни сёзюн этер.
- Айран ичген – къутулду, джугъусун джалагъан – тутулду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72