- Баланы адам этген анады.
- Аманны эки битли тону болур, бирин сеннге кийдирир, бирин кеси киер.
- Къатын къылыкъсыз, эр тынчлыкъсыз.
- Экеулен сёлеше тура эселе, орталарына барыб кирме.
- Бюгюн дуния кибик, тамбла ахыратды.
- Билгенни къолу къарны джандырыр.
- Нарт сёз къарт болмаз.
- Эшекни не къадар тюйсенг да, ат болмаз.
- Насыб бютеу халкъны юлюшюдю.
- Нарт сёз – тилни бети.
- Иги – алгъыш этер, аман – къаргъыш этер.
- Къартны сыйын кёрмеген, къартлыгъында сыйлы болмаз.
- Бёрю да ач къалмасын, эчки да ашалмасын.
- Сакъ юйюне сау барыр.
- Таула не мийик болсала да, аууш табылыр.
- Джылыгъа джылан илешир.
- Кёзю сокъурдан – къоркъма, кёлю сокъурдан – къоркъ.
- Насыблы элин сюер, насыбсыз кесин сюер.
- Сабийни джумушха джибер да, ызындан бар.
- Тилсиз миллет джокъ болур.
- Огъурлуну сёзю – суу, огъурсузну сёзю – уу.
- Ишни аллы бла къууанма да, арты бла къууан.
- Мал кёб болса, джууукъ кёб болур.
- Иесиз малны бёрю ашар.
- Ёнгкюч къууана барыр, джылай келир.
- Иги адам абынса да, джангылмаз.
- Чёбню кёлтюрсенг, тюбюнден сёз чыгъар.
- Суу да къайтады чыкъгъан джерине.
- Джырчы джырчыгъа – къарнаш.
- Арбаз сайлама да, хоншу сайла.
- Джюз элде джюз ёгюзюм болгъандан эсе, джюз джууугъум болсун.
- Адам сёзге тынгыла, акъыл сёзню ангыла.
- Нёгер болсанг, тенг бол, тенг болмасанг, кенг бол.
- Юре билмеген ит, къонакъ келтирир.
- Байны къызы баймакъ болса да, юйде къалмаз!
- Суугъа – чабакъ, къаягъа – ыргъакъ.
- Ётюрюкню къуйругъу – бир тутум.
- Къарнынг бла ёч алма.
- Къошда джокъгъа – юлюш джокъ.
- Келинни – келгинчи, бёркню кийгинчи кёр.
- Ач уят къоймаз.
- Биреуге кёлтюрген таягъынг, кесинги башынга урур.
- Къарт болгъан джерде, берекет болур, сабий болгъан джерде, оюн болур.
- Акъыл неден да кючлюдю.
- Чакъырылмагъан къонакъ тёрге атламаз.
- Джиби бир къат джетмей эди да, эки къат тарта эди.
- Абынмазлыкъ аякъ джокъ, джангылмазлыкъ джаякъ джокъ.
- Иги болса, тамадама – махтау, аман болса, меннге – айыб.
- Джуртун къоругъан озар.
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72