- Къонакъ аз олтурур, кёб сынар.
- Чарсда алчыны эл кёреди.
- Джукъу тёшек сайламайды.
- Къатыны харакетли болса, эри къымсыз болур.
- Аллахха ийнаннган кишини, Аллах онгдурур ишин.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эри аманны, къатыны – аман.
- Азыгъы аз, алгъа къабар, аты аман, алгъа чабар.
- Аджаллыгъа окъсуз шкок атылыр.
- Ашхы атаны – джашы ашхы, ашхы ананы – къызы ашхы.
- Терслик кетер, тюзлюк джетер.
- Хата – гитчеден.
- Таш ата билмеген, башына урур.
- Этек чакъмакълары баш джаргъан, сёлешген сёзлери таш джаргъан.
- Сёлеш деб шай берген, тохта деб, сом берген.
- Джарлы джети элни сёзюн этер.
- Булут кёкге джарашыу, уят бетге джарашыу.
- Адам къаллай бир ишленмесе, аллай бир кесин уллу кёреди.
- Халкъгъа джарагъан, джарлы къалмаз.
- Мен да «сен», дейме, сен да «кесим», дейсе.
- Таукел къуру къалмаз.
- Ата Джуртун танымагъан, атасын да танымаз.
- Асхат ашлыкъ сата, юйдегиси ачдан къата.
- Аз сёлешген, къайгъысыз турур.
- Миллетни бойну – базыкъ, аны бла кюрешген – джазыкъ.
- Ата Джуртча джер болмаз, туугъан элча эл болмаз.
- Ачылгъан эт джабылыр, кёрген кёз унутмаз.
- Артына баргъанны, къатына барма.
- Тилчиден кери бол.
- Арбаз сайлама да, хоншу сайла.
- Джашда акъыл джокъ, къартда къарыу джокъ.
- Ашда уялгъан – мухар, ишде уялгъан – хомух.
- Джыйырма къойну юч джыйырма эбзе кюте эди.
- Аз сёлеш, кёб ишле.
- Ариу сёз джыланны орнундан чыгъарыр.
- Иги болса, тамадама – махтау, аман болса, меннге – айыб.
- Чакъырылгъанны аты, чакъырылмагъанны багъасы болур.
- Атлыны кёрсе, джаяуну буту талыр.
- Адамны сыфатына къарама, сёзюне къара.
- Ашлыкъны арба юйге келтирир, чана базаргъа элтир.
- Чомартха Тейри да борчлуду.
- Ач – эснер, ат – кишнер.
- Иги сёз – джаннга азыкъ, аман сёз башха – къазыкъ.
- Бозаны арты дауур болур.
- Чакъырылмагъан къонакъ – орунсуз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сабыр джетер муратха, сабырсыз къалыр уятха.
- Сабийни джумушха джибер да, ызындан бар.
- Сыфатында болмагъаны, суратында болмаз.
- Эм уллу байлыкъ – джан саулукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72