- Тынгылагъан тынгы бузар.
- Накъырда – кертини келечиси.
- Джашлыкъ этмеген, башлыкъ этмез.
- Ариу сёз – къылычдан джити.
- Ач уят къоймаз.
- Къонагъынгы артмагъын алма да, алгъышын ал.
- Урама да – ёледи, сатама да – келеди.
- Кёб къычыргъандан – къоркъма, тынч олтургъандан – къоркъ.
- Къарнынг ауруса, ауузунгу тый
- Чабар ат – джетген къыз.
- Къууут – джелге, берне – бошха.
- Къанны къан бла джуума, аманны аман бла къуума.
- Эртде тургъан джылкъычыны эркек аты тай табар.
- Гугурук къычырмаса да, тангны атары къалмаз.
- Ариу джол аджал келтирмез.
- Тюзлюк шохлукъну бегитир.
- Тенгни тенглиги джашай барсанг билинир.
- Биреуге аманлыкъны тилеме да, кесинге ашхылыкъны тиле.
- Хата – гитчеден.
- Киштикге къанат битсе, чыпчыкъ къалмаз эди.
- Зарда марда джокъ.
- Адамны аты башхача, акъылы да башхады.
- Адам боллукъ, атламындан белгили болур.
- Огъурлуну сёзю – суу, огъурсузну сёзю – уу.
- Аман къатын сабий табса, бий болур…
- Дуния малгъа сатылма, кесингден телиге къатылма.
- Эл ауузу – элек, анга ийнаннган – халек.
- Айран тёгюлсе, джугъусу къалыр.
- Ишин билген, аны сыйын чыгъарады.
- Оюмсуз атлагъан, аджалсыз ёлюр.
- Джукъу тёшек сайламайды.
- Келгинчи, къонакъ уялыр, келгенден сора, къонакъбай уялыр.
- Къобан да къуру да къобханлай турмайды, адам да къуру да патчахлай турмайды.
- Кенгеш болса, уруш болмаз.
- Акъыллы айтыр эди, акъылсыз къоймайды.
- Аманны къуугъан, аманлыкъ табар.
- Булут кёкге джарашыу, уят бетге джарашыу.
- Сакъ юйюне сау барыр.
- Джаш къарыу бла кючлю, къарт акъыл бла кючлю.
- Ашхы тенг джолгъа салыр, аман тенг джолдан тайдырыр.
- Чыбыкълыкъда бюгюлмеген, къазыкълыкъда бюгюлмей эди.
- Джаханимни кёрмей, джандетге кёл салмазса.
- Ёлмесенг да, къарт дамы болмазса?
- Нарт сёз – тилни бети.
- Джырчы джырчыгъа – къарнаш.
- Суу ичген шауданынга тюкюрме.
- Чыкълы кюнде чыкъмагъан, чыкъса къуру кирмеген.
- Атынг аманнга чыкъгъандан эсе, джанынг тамагъынгдан чыкъсын.
- Билими азны – ауузунда кирит.
- Къызны минг тилер, бир алыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72