- Тин – байлыгъынг, терен саулугъунг.
- Айтханы чапыракъдан ётмеген.
- Къарнынг ауруса, ауузунгу тый
- Суу кетер, таш къалыр.
- Эл ауузу – элек, анга ийнаннган – халек.
- Бал чибинни ургъаны – ачы, балы – татлы.
- Биреуге аманлыкъ этиб, кесинге игилик табмазса.
- Къазанны башы ачыкъ болса, итге уят керекди.
- Айырылмаз джууугъунга, унутмаз сёзню айтма.
- Эм ашхы къайын ана мамукъ бла башынгы тешер.
- Кёбню кёрген – кёб билир.
- Ётюрюкню башын керти кесер.
- Арпа, будай – ащды, алтын, кюмюш а – ташды.
- Ёмюрлюк шохлукъну джел элтмез.
- Тенгинг джокъ эсе – изле, бар эсе – сакъла!
- Окъуу – билимни ачхычы, окъуу – дунияны бачхычы.
- Ата джурт – алтын бешик.
- Тас болгъан бычакъны сабы – алтын.
- Ашына кёре табагъы, балына кёре къалагъы.
- Узун джолну барсанг, бюгюн келирсе, къысха джолну барсанг, тамбла келирсе.
- Болджал ишни бёрю ашар.
- Аджалсыз ёлюм болмаз.
- Термилгенинги табмазса, кюлгенинге тюберсе.
- Бозаны арты дауур болур.
- Байны къызы баймакъ болса да, юйде къалмаз!
- Ёлмесенг да, къарт дамы болмазса?
- Билеги кючлю, бирни джыгъар, билими кючлю, мингни джыгъар.
- Айныгъанлы алты кюн, тогъайгъанлы тогъуз кюн.
- Тилчи бир сагъатха айлыкъ хата этер.
- Байлыкъдан саулукъ ашхыды.
- Къатын байлыкъны сюер, эр саулукъну сюер.
- Иги сёз – джаннга азыкъ, аман сёз башха – къазыкъ.
- Окъугъан – асыу, окъумагъан – джарсыу.
- Эр абынмай, эл танымаз.
- Ёгюзню мюйюзлери ауурлукъ этмейдиле.
- Кёлсюзден сёзсюз тууар.
- Чомарт бергенин айтмаз.
- Кесинге джетмегенни, кёб сёлешме.
- Джангыз торгъай джырламаз.
- Ат басханны джер билед.
- Таула не мийик болсала да, аууш табылыр.
- Рысхысына кёре, джаш ёсер, къышлыгъына кёре, мал ёсер.
- Сескекли кесин билдирир.
- Чомарт джарлы болмаз.
- Джарлы тюеге минсе да, ит къабар.
- Кёб ант этген, кёб ётюрюк айтыр.
- Этим кетсе да, сюегим къалыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ичимден чыкъды хата, къайры барайым сата?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72