- Кийимни бичсенг, кенг бич, тар этген къыйын тюлдю.
- Сыфатында болмагъаны, суратында болмаз.
- Эри аманны, къатыны – аман.
- Атлыны кёрсе, джаяуну буту талыр.
- Аманны къуугъан, аманлыкъ табар.
- Берекет берсин деген джерде, берекет болур.
- Ачыкъ джюрекге джол – ачыкъ.
- Сёлеш деб шай берген, тохта деб, сом берген.
- Уллу суу бла уллу ауруудан башынгы сакъла.
- Кёкдеги болмаса, джердегин кёрмейди.
- Таугъа чыгъаллыкъ эсенг, тюзде къалма.
- Адам боллукъ, атламындан белгили болур.
- Адеб джокъда, намыс джокъ.
- Биреу къой излей, биреу той излей.
- Ашда – бёрю, ишде – ёлю.
- Кёлю джокъну – джолу джокъ.
- Хар адамгъа кеси миннген тау кибик.
- Арбаз сайлама да, хоншу сайла.
- Тура эдим джата, къайдан чыкъды хата?
- Хаухну атма, ёнгкючню сатма.
- Тёрени джагъы джокъ.
- Тил – кесген бычакъ, сёз – атылгъан окъ.
- Шайтан алдады, тюзлюк къаргъады.
- Ойнай билмеген, уруб къачар.
- Къонакъны къачан кетерин сорма, къачан келлигин сор.
- Хазыр ашха – терен къашыкъ.
- Адамны артындан къара сабан сюрме.
- Биреуню эскиси биреуге джангы болмайды.
- Адебни адебсизден юрен.
- Аш берме да, къаш бер.
- Атадан ёксюз – бир ёксюз, анадан ёксюз – эки ёксюз.
- Телиге от эт десенг, юйюнге от салыр.
- Окъдан джара эртде-кеч болса да бителир, сёз джара, ёмюрге къалыр.
- Къарын къуру болса, джюрек уру болур.
- Ач отунчуну ачыуу – бурнунда.
- Ёксюзню къалачы уллу кёрюнюр.
- Биреуге кёлтюрген таягъынг, кесинги башынга урур.
- Башсыз урчукъ тюзюне айланмаз.
- Абынмазлыкъ аякъ джокъ, джангылмазлыкъ джаякъ джокъ.
- Адеб базарда сатылмаз.
- Элни кючю – эмеген.
- Ким бла джюрюсенг, аны кёзю бла кёрюнюрсе.
- Олтуруб кёрюнмей эди да, ёрге туруб кёрюне эди.
- Уллу сёлешме да, уллу къаб.
- Таукелге нюр джауар.
- Ач бёрюге мекям джокъ.
- Аманнга игилик этсенг, юйюнге сау бармазса.
- Тенгинг джокъ эсе – изле, бар эсе – сакъла!
- Суу да къайтады чыкъгъан джерине.
- Чомарт джарлы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72