Эльбрусоид :: Форум :: Архив форумов

Мураты болгъанны джюрек тебюую башхады.
Джерни букъусу кёкге къонмаз.
Элни кючю – эмеген.
Джаханимни кёрмей, джандетге кёл салмазса.
Ишин билген, аны сыйын чыгъарады.
Азыкълы ат арымаз, къатыны аман джарымаз.
Айраннга суу къош, телиге джол бош.
Ач къалгъандан, кеч къалгъан къолай.
Ичимден чыкъды хата, къайры барайым сата?
Ашлыкъ – бюртюкден, джюн – тюкден.
Къатыны харакетли болса, эри къымсыз болур.
Джиби бир къат джетмей эди да, эки къат тарта эди.
Джукъу тёшек сайламайды.
Ёлген аслан – сау чычхан.
Къулакъдан эсе, кёзге ышан.
Алим болгъандан эсе, адам болгъан къыйынды.
Къайгъыны сюйген, къайгъы табар.
Къолу уллу – асыу, аягъы уллу – джарсыу.
Кютгени беш эчки, сызгъыргъаны уа, джерни джарады.
Огъурлуну сёзю – суу, огъурсузну сёзю – уу.
Аманны эки битли тону болур, бирин сеннге кийдирир, бирин кеси киер.
Таякъ этден ётер, тил сюекден ётер.
Эл ауузу – элек, анга ийнаннган – халек.
Арыгъан къош чамчы болур.
Кесинге джетмегенни, кёб сёлешме.
Джуртун къоругъан озар.
Чыбыкълыкъда бюгюлмеген, къазыкълыкъда бюгюлмей эди.
Кёб джашагъан – кёб билир.
Айтханы чапыракъдан ётмеген.
Окъумагъан сокъурду, сокъур ташха абыныр!
Ётюрюкню къуйругъу – бир тутум.
Тойгъан джерге джети къайт.
Эрине къаргъыш этген къатын, эрнин къабар.
Игилик игилик бла сингдирилиучю затды.
Джангыз терек къынгыр ёсер.
Болджал ишни бёрю ашар.
Къазанда болса, чолпугъа чыгъар.
Чакъырылмагъан къонакъ къачан кетерин сормаз.
Намыс сатылыб алынмайды.
Сакъ юйюне сау барыр.
Къартны сыйын кёрмеген, къартлыгъында сыйлы болмаз.
Кёпюр салгъан кеси ётер, уру къазгъан кеси кетер.
Къонакъ аз олтурур, кёб сынар.
Акъыллы башны – тили къысха.
Хатерли къул болур.
Ана къолу ачытмаз.
Къая джолда джортма, ачыкъ сёзден къоркъма.
Сёз къанатсыз учар.
Чабакъсыз кёлге къармакъ салгъанлыкъгъа, чабакъ тутмазса.
Эки къатын алгъанны къулагъы тынгнгаймаз.

Логин:
Пароль:
	Запомнить меня на этом компьютере

Забыли свой пароль?
Регистрация