- Ёлюк кебинсиз къалмаз.
- Аш хазыр болса, иш харам болур.
- Сёз сёзню айтдырыр.
- Чомартха хар кюн да байрамды.
- Ким бла джюрюсенг, аны кёзю бла кёрюнюрсе.
- Ётюрюкчюню шагъаты – къатында.
- Кёб джашагъан – кёб билир.
- Чоюнну башы ачыкъ болса, итге уят керекди.
- Рысхы – сют юсюнде кёмюк кибикди.
- Къарнынг бла ёч алма.
- Кийимни бир кюнню аясанг, минг кюннге джарар.
- Магъанасыз сёз – тауушсуз сыбызгъы.
- Аз сёлеш, кёб ишле.
- Джолунга кёре – джюрюшюнг, джагъанга кёре – юлюшюнг.
- Ач бёрюге мекям джокъ.
- Кёл – къызбай, къол – батыр.
- Джюрек кёзден алгъа кёрюр.
- Телини эшигин, махтау джабар.
- Сормай – алма, чакъырылмай – барма.
- Къаллай салам берсенг, аллай джууаб алырса.
- Уллу суу бла уллу ауруудан башынгы сакъла.
- Гугук кесини атын айтыб къычыргъанча, мен, мен деб нек тураса?
- Къар – келтирди, суу – элтди.
- Бек ашыкъгъан меннге джетсин, дегенди аракъы.
- Керти сёзге тёре джокъ.
- Къууут – джелге, берне – бошха.
- Акъыл бла адеб эгизледиле.
- Уллу айтханны этмеген – уллаймаз.
- Арпа, будай – ащды, алтын, кюмюш а – ташды.
- Ачыкъ джюрекге джол – ачыкъ.
- Ашхы тенг джолгъа салыр, аман тенг джолдан тайдырыр.
- Биреуню эскиси биреуге джангы болмайды.
- Къонакъ аз олтурур, кёб сынар.
- Ашхылыкъ джерде джатмайды, аманлыкъ суугъа батмайды.
- Суугъа – чабакъ, къаягъа – ыргъакъ.
- Ёлген эшек бёрюден къоркъмайды.
- Сабыр джетер муратха, сабырсыз къалыр уятха.
- Байлыкъдан саулукъ ашхыды.
- Адамны артындан къара сабан сюрме.
- Керилген да, ургъан кибикди.
- Ашхы сёз таш тешер.
- Аууздан келген, къолдан келсе, ким да патчах болур эди.
- «Ма», - дегенни билмесенг, «бер», - дегенни билмезсе.
- Кёзню ачылгъаны – иги, ауузну джабылгъаны – иги.
- Тил бла келеди джыр да.
- Киштикге къанат битсе, чыпчыкъ къалмаз эди.
- Кирсизни – саны таза, халалны – къаны таза.
- Эки къатын алгъан – эки ташны ортасына башын салгъан.
- Къарыусузгъа кюлме, онгсузгъа тийме.
- Чыбыкълыкъда бюгюлмеген, къазыкълыкъда бюгюлмей эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72