- Чакъырылмагъан къонакъ тёрге атламаз.
- Эркишини аманы тиширыуну джылатыр.
- Эр абынмай, эл танымаз.
- Ариу сёз аурууунгу алыр.
- Берекет берсин деген джерде, берекет болур.
- Таякъ этден ётер, тил сюекден ётер.
- Аманны эки битли тону болур, бирин сеннге кийдирир, бирин кеси киер.
- Олтуруб кёрюнмей эди да, ёрге туруб кёрюне эди.
- Сабий кёргенин унутмаз.
- Билмейме деген – бир сёз
- Эл тойса, тоймагъан, эл къойса, къоймагъан.
- Кютгени беш эчки, сызгъыргъаны уа, джерни джарады.
- Бети – къучакълар, джюреги – бычакълар.
- Ана кёлю – балада, бала кёлю – талада.
- Хаухну атма, ёнгкючню сатма.
- Ариу сёз – джаннга азыкъ, аман сёз – башха къазыкъ.
- Борчунг бар эсе, хурджунунга ойлаб узал.
- Ашхы тенг джолгъа салыр, аман тенг джолдан тайдырыр.
- Сормай – алма, чакъырылмай – барма.
- Тойгъан джерден туугъан джер игиди.
- Джылыгъа джылан илешир.
- Адамны сабийин сюйген джюреги, бычакъча, джитиди.
- Шапа кёб болса, аш татымсыз болур.
- Бал – татлы, балдан да бала – татлы.
- Джерни букъусу кёкге къонмаз.
- Ёзденликни кёбю ётюрюк.
- Биреуню эскиси биреуге джангы болмайды.
- Кёрмегеннге кебек – танг, битмегеннге сакъал – танг.
- Къарны аманнга къазан такъдырма, къолу аманнга от джакъдырма.
- Кёлсюзден сёзсюз тууар.
- Бек ашыкъгъан меннге джетсин, дегенди аракъы.
- Аууздан келген, къолдан келсе, ким да патчах болур эди.
- Уллу къашыкъ эрин джыртар.
- Сабыр джетер муратха, сабырсыз къалыр уятха.
- Бир абыннган – минг сюрюнюр.
- Биреу ашаб къутулур, биреу джалаб тутулур.
- Нарт сёз – тилни бети.
- Эркиши – от, тиширыу – суу.
- Эртде тургъан джылкъычыны эркек аты тай табар.
- От этилмеген джерден тютюн чыкъмайды.
- Нёгер болсанг, тенг бол, тенг болмасанг, кенг бол.
- Адеби болмагъан къыз – тузсуз хант.
- Джаш болсун, къыз болсун, акъылы, саны тюз болсун.
- Айранын берсенг, челегин да къызгъанма.
- Джашда акъыл джокъ, къартда къарыу джокъ.
- Тенгинг джокъ эсе – изле, бар эсе – сакъла!
- Мал тутхан – май джалар.
- Джарлы тюеге минсе да, ит къабар.
- Билимсиз иш бармаз.
- Аманны тукъумуна къарама, игини тукъумун сорма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72