- Ёксюзню къалачы уллу кёрюнюр.
- Акъылсызны джууукъгъа алма, акъыллыны кенгнге салма.
- Тамбла алтындан бюгюн багъыр ашхы.
- Бал ашаргъа сюе эсенг, чибин ургъаннга тёз.
- Башланнган иш битер, къымылдагъан тиш тюшер.
- Хазыр ашха – терен къашыкъ.
- Сабий болмагъан джерде, мёлек болмаз.
- Эринчекге кюн узун.
- Иги адамны бир сёзю эки болмаз.
- Ётюрюкчюню шагъаты – къатында.
- Аманнга да, игиге да оноусуз къатышма.
- Адамны адамлыгъы къыйынлыкъда айгъакъланады.
- Аякъларынгы джууургъанынга кёре узат.
- Босагъагъа джууукъ орун болса, ашыгъыб тёрге озма.
- Ач, тоймам, дейди, тойгъан, ач болмам, дейди.
- Этни бети бла шорпасы.
- Адеб базарда сатылмаз.
- Къан бла кирген, джан бла чыгъар.
- Намысы болмагъанны, сыйы болмаз.
- Къарны аманнга къазан такъдырма, къолу аманнга от джакъдырма.
- Битмегеннге сакъал – танг.
- Эки итни арасына сюек атма, эки адамны арасында сёз чыгъарма.
- Узун джолну барсанг, бюгюн келирсе, къысха джолну барсанг, тамбла келирсе.
- Ичимден чыкъды хата, къайры барайым сата?
- Бети бедерден, намыс сакълама.
- Ата Джуртун танымагъан, атасын да танымаз.
- Тойгъан джерден туугъан джер игиди.
- Экиндини кеч къылсанг, чабыб джетер ашхам.
- Нёгерсизни джолу узун.
- Башсыз урчукъ тюзюне айланмаз.
- Ким бла джюрюсенг, аны кёзю бла кёрюнюрсе.
- Къыз тиширыу кеси юйюнде да къонакъды.
- Алтыннга тот къонмаз.
- Ойнаб айтсанг да, эслеб айт.
- Джашынгы кесинг юретмесенг, джашау юретир.
- Ишлегенде эринме, ишде чолакъ кёрюнме.
- Телиге от эт десенг, юйюнге от салыр.
- Эркиши – от, тиширыу – суу.
- Ашыкъгъан cуу, тенгизге джетмез.
- Ёксюзню тилеги къабыл болур.
- Келлик заман – къартлыкъ келтирир, кетген заман – джашлыкъ ёлтюрюр.
- Ашхы тенг джолгъа салыр, аман тенг джолдан тайдырыр.
- Гырджын – тепсини тамадасы.
- Чабакъгъа акъыл, табагъа тюшсе келеди.
- Къарт болгъан джерде, берекет болур, сабий болгъан джерде, оюн болур.
- Къатын къылыкъсыз, эр тынчлыкъсыз.
- Джумушакъ сёз къаты таякъны сындырыр.
- Джигер – джаннга къыйынлыкъ.
- Уллу къазанда бишген эт, чий къалмаз.
- Татлы сёз – балдан татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72