- Эллинг бла джау болсанг да, юйюнг бла джау болма.
- Мухарны эси – ашарыкъда.
- Ата Джуртча джер болмаз, туугъан элча эл болмаз.
- Айныгъанлы алты кюн, тогъайгъанлы тогъуз кюн.
- Тешигини къатында, чычхан да батыр болур.
- Бир абыннган – минг сюрюнюр.
- Ашхы сёз таш тешер.
- Иесиз малны бёрю ашар.
- Къарны аманнга къазан такъдырма, къолу аманнга от джакъдырма.
- Алтыннга тот къонмаз.
- Элге къуллукъ этмеген, элге ие болмаз.
- Чомарт къонакъ юй иесин сыйлар.
- Эртде тургъан бла эртде юйленнген сокъуранмаз.
- Къазанчы аман болса, къазаны къайнамаз.
- Ашха уста, юйюнде болсун
- Тура эдим джата, къайдан чыкъды хата?
- Иги адамны бир сёзю эки болмаз.
- Аман киши кеси юйюнде – къонакъ.
- Ёмюрлюк шохлукъну джел элтмез.
- Биреуню тёрюнден, кесинги эшик артынг игиди.
- Чакъырылгъанны аты, чакъырылмагъанны багъасы болур.
- Акъыл сабырлыкъ берир.
- Эл элде бирер малынг болгъандан эсе, бирер тенгинг болсун.
- Адеб базарда сатылмаз.
- Баланы адам этген анады.
- Ишлегенде эринме, ишде чолакъ кёрюнме.
- Уллу суу бла уллу ауруудан башынгы сакъла.
- Ишленмеклик адамлыкъды.
- Ёксюзню тилеги къабыл болур.
- Накъырда – кертини келечиси.
- Ойнай-ойнай кёз чыгъар.
- Чыбыкълыкъда бюгюлмеген, къазыкълыкъда бюгюлмей эди.
- Терек ауса, отунчу – кёб.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Суу да къайтады чыкъгъан джерине.
- Кийим тукъум сордурур.
- Къая джолда джортма, ачыкъ сёзден къоркъма.
- Биреу ашаб къутулур, биреу джалаб тутулур.
- Тойгъа барсанг, тоюб бар, эски тонунгу къоюб бар.
- Этим кетсе да, сюегим къалыр.
- Тамырсыз терекге таянма – джыгъылырса.
- Эркиши – от, тиширыу – суу.
- Эки итни арасына сюек атма, эки адамны арасында сёз чыгъарма.
- Джангыз торгъай джырламаз.
- Джыгъылгъанны сырты джерден тоймаз.
- Эл ауузу – элия.
- Садакъачыны джаны – къапчыгъында.
- Акъыллы башны – тили къысха.
- Мураты болгъанны джюрек тебюую башхады.
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72