- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эли джокъну – кёлю джокъ.
- Сакъламагъан затынга джолукъсанг, не бек къууанаса, не бек ачыйса.
- Сыфатында болмагъаны, суратында болмаз.
- Аууздан келген, къолдан келсе, ким да патчах болур эди.
- Эрине къаргъыш этген къатын, эрнин къабар.
- Мал тутхан – май джалар.
- Магъанасыз сёз – тауушсуз сыбызгъы.
- Къаллай салам берсенг, аллай джууаб алырса.
- Туз, гырджын аша, тюзлюк бла джаша.
- Джаралыны джастыгъында сау ёлюр.
- Чакъырылгъанны аты, чакъырылмагъанны багъасы болур.
- Бети къызарыучу адамны, джюреги харам болмаз.
- Ауругъанны сау билмез, ач къарынны токъ билмез.
- Аман киши кеси юйюнде – къонакъ.
- Рысхы – сют юсюнде кёмюк кибикди.
- Адеб этмеген, адеб кёрмез.
- Биреуге аманлыкъ этиб, кесинге игилик табмазса.
- Сютню башын джалагъан къутулур, тюбюн ичген тутулур.
- Адамны артындан къара сабан сюрме.
- Тюз сёз баргъан сууну тыяр.
- Ачылгъан эт джабылыр, кёрген кёз унутмаз.
- Ариу сёз – джаннга азыкъ, аман сёз – башха къазыкъ.
- Босагъагъа джууукъ орун болса, ашыгъыб тёрге озма.
- Суугъа – таянма, джаугъа – ийнанма.
- Къазанда болса, чолпугъа чыгъар.
- Мухарны эси – ашарыкъда.
- Огъурлуну сёзю – суу, огъурсузну сёзю – уу.
- Байлыкъ тауусулур, билим тауусулмаз.
- Алтыда кюлмеген, алтмышда кюлмез.
- Джогъун бар этген, барын бал этген.
- Аджаллыгъа окъсуз шкок атылыр.
- Билмегенинги, билгеннге сор.
- Болджал ишни бёрю ашар.
- Телиге от эт десенг, юйюнге от салыр.
- Иги адамны бир сёзю эки болмаз.
- Терек ауса, отунчу – кёб.
- Арпа, будай – ащды, алтын, кюмюш а – ташды.
- Тенгинг джокъ эсе – изле, бар эсе – сакъла!
- Ач – эснер, ат – кишнер.
- Къазанчы аман болса, къазаны къайнамаз.
- Алим болгъандан эсе, адам болгъан къыйынды.
- Эте билген, этген этеди, эте билмеген, юретген этеди!
- Джети тилни билген джети кишиди.
- Джырына кёре эжиую.
- Ачыкъ джюрекге джол – ачыкъ.
- Кюлме джашха – келир башха.
- Кирсизни – саны таза, халалны – къаны таза.
- Къарны аманнга къазан такъдырма, къолу аманнга от джакъдырма.
- Шайтан алдады, тюзлюк къаргъады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72